༢༠
དེ་ནས་ན་ཨ་མད་པ་ཙོ་ཕར་གྱིས་ལན་བཏབ་ཅིང་སྨྲས་པ། ༢ ངའི་ཁོག་ནང་བློ་མྱུར་བ་གདའ་བས་ན། ང་ཡི་བསམ་པས་ལན་ཞིག་འདེབས་སུ་འཇུག ༣ བདག་ཁྲེལ་འཇུག་པའི་རྔན་ཆེན་ངས་ཐོས་པས། སྙིང་གི་ཤེས་རབ་ཀྱིས་ལན་འདེབས་སུ་འཇུག༤ ས་སྟེང་མི་བཞག་པ་ནས་ཚུན་ཆད་དུ། ཁྱོད་ཀྱིས་འདི་ནི་སྔོན་ནས་མི་རྟོགས་སམ། ༥ སྡིག་སྤྱོད་མིའི་དཔལ་ནི་དུས་རེ་ཞིག་དང་། ཆོས་མེད་མི་ཡི་ལོངས་སྤྱོད་ཡུད་ཙམ་སྟེ། ༦ དེའི་དཔལ་ནམ་མཁའི་བར་དུ་ཕྱིན་ཏེ། ཁོ་ཡི་མགོ་བོ་སྤྲིན་ལ་སྙོབ་ན་ཡང་། ༧ གཏན་ཕྱིར་དེ་རང་རྟུག་པ་ལྟར་འཇིག་སྟེ། ངོ་བཤེས་ཚོས་ཁོ་གར་ཡོད་འདྲི་བར་འགྱུར། ༨ ཁོ་རྨི་ལམ་ལྟར་ཤོར་བས་རྙེད་མི་འགྱུར། མཚན་མོའི་མིག་འཕྲུལ་བཞིན་ཁོ་འདེད་པར་འགྱུར། ༩ ཁོ་སྔར་མཐོང་བའི་མིག་གིས་མཐོང་མི་འགྱུར། ཕྱིན་ཆད་ཁྱིམ་གྱིས་ཁོ་ནི་མཐོང་མི་འགྱུར། ༡༠ དེའི་བུ་ཚོས་དབུལ་པོ་ལ་ངོ་གསོ་བྱ། དེའི་ལག་པས་ནོར་ཕྱིར་ལོག་སྤྲོད་པར་བྱ། ༡༡ རུས་པ་རྣམས་ལ་གཞོན་བཅུད་ཀྱིས་གང་ཡང་། དེ་རྣམས་ཁོ་མཉམ་ཐལ་ཁྲོད་ཉལ་བར་འགྱུར།
༡༢ ཁོ་ཡི་ཁས་ཉེས་སྡིག་མངར་མངར་ཚོར་ཡང་། ལྕེ་ཡི་འོག་ཏུ་དེ་ནི་སྦ་བ་དང་། ༡༣ དེ་ལ་འཕངས་ཤིང་འདོར་བར་མི་འདོད་པར། རང་གི་ཁ་ནང་སྦས་ནས་དེ་འཇོག་ཀྱང་། ༡༤ ཁ་ཟས་ལྟོ་བར་གཞན་དུ་འགྱུར་བར་འགྱུར། སྦྲུལ་གྱི་མཁྲིས་པ་ལ་དེའི་ཁོག་ནང་འགྱུར། ༡༥ ནོར་རྣམས་མིད་ན་ཡང་སླར་སྐྱུགས་ཤིང་འདོན། དཀོན་མཆོག་གིས་དེ་ཁོའི་གྲོད་པ་ནས་དབྱུང་། ༡༦ སྦྲུལ་གདུག་པ་ཅན་གྱི་དུག་ཁོས་འཇིབ་འོང་། ལྟོ་འགྲོ་ལྕེ་ཡིས་དེའི་སྲོག་གཅོད་པར་འགྱུར། ༡༧ གཙང་པོ་རྣམས་དང་སྦྲང་རྩིའི་ཆུ་ཀླུང་དང་། མར་གྱི་གྲོག་པོ་རྣམས་ཁོས་མཐོང་མི་འགྱུར། ༡༨ དེས་འབད་པ་རྣམས་རྙེད་ཀྱང་མིད་མི་འགྱུར། ནོར་ནི་མང་ཙམ་རྙེད་ཀྱང་དགའ་བ་མེད། ༡༩ ཅི་ལ་དབུལ་པོ་དབང་ཡོད་བྱས་ཏེ་བསྐྲད། དེས་མ་བརྩིགས་པའི་ཁང་པ་དབང་གིས་བླངས། ༢༠ དེས་ལྟོ་ནང་བདེ་བ་མི་ཚོར་བར་ངེས། ཆགས་པའི་ནང་ནས་ཅིའང་ལུས་པར་མི་འགྱུར། ༢༡ དེས་མ་མིད་མཁན་ཅིའང་མི་ལུས་པས་ན། དེ་ཡི་ལོངས་སྤྱོད་ལ་མཇུག་བརྟན་མི་འགྱུར། ༢༢ ཁོ་འཚེང་བའི་བསྒང་ལ་འུ་ཐུག་པར་འགྱུར། ཉོན་མོངས་ཅན་གྱི་ལག་ཀུན་དེའི་ཐོག་དབབ། ༢༣ རང་གི་གྲོད་པ་རྒྱང་འགྲོ་ཡོད་པའི་དུས། དཀོན་མཆོག་གིས་དེའི་ཁར་ཐུགས་ཁྲོ་འབེབས་ཤིང་། དེས་ཟ་མཚམས་བར་ཆད་ཀྱི་ཆར་འབེབས་འོང་། ༢༤ ལྕགས་ཀྱི་མཚོན་ཆ་ལས་ཁོ་འབྲོས་ན་ཡང་། ལྕགས་བཟང་མདའ་གཞུས་ཁོ་ནི་འབིགས་པར་འགྱུར། ༢༥ དེ་ནི་འདོན་པས་ལུས་ནས་འཐོན་པ་དང་། འོད་ཆགས་རལ་གྲི་མཆིན་པའི་ནང་ན་འཐོན། དངང་སྐྲག་རྣམས་ཀྱིས་ཁོ་ནི་འཇོམས་པར་འགྱུར། ༢༦ དེ་ཡི་གཏེར་དུ་མུན་པ་ཀུན་བཞག་ཡོད། མིས་མ་ཕུས་པའི་མེས་དེ་བསྲེག་པར་འགྱུར། གུར་གྱི་ནང་གི་ལྷག་མ་རྣམས་བསྲེག་འོང་། ༢༧ ནམ་མཁས་དེ་ཡི་ཉེས་པ་མངོན་པར་བྱ། དགྲ་རུ་ས་གཞི་ཡང་ལྡང་བར་འགྱུར་རོ། ༢༨ དེ་ཡི་ཁྱིམ་གྱི་དར་རྒྱས་མེད་པར་འགྱུར། ཐུགས་ཁྲོའི་ཉིན་མོར་རྒྱུ་ནོར་ཟད་པར་འགྱུར།
༢༩ སྡིག་སྤྱོད་ལ་དཀོན་མཆོག་གི་སྐལ་བ་དང་། དཀོན་མཆོག་གིས་གནང་བའི་ནོར་སྐལ་འདི་ཀའོ༎