༨ བདག་གི་གསོལ་བ་བསྐང་ཞིང་དཀོན་མཆོག་གིས། བདག་གི་འདུན་པ་གནང་ན་ཅི་མ་རུང་། ༩ བདག་བཏུབ་ཅིང་སྲོག་གཅོད་དུ་ཕྱག་རྐྱོང་བར། དཀོན་མཆོག་དགོངས་པ་ལགས་ན་ཅི་མ་རུང་། ༡༠ དེ་ནས་ད་དུང་ཡང་སེམས་གསོ་དང་ལྡན། ཁོང་གིས་སྡུག་བསྔལ་གཏོང་ཡང་སྲན་པར་འགྱུར། དམ་པ་གཅིག་པོའི་བཀའ་མཆིད་ངས་མ་བཟློགས། ༡༡ བདག་རེ་རྒྱུར་བདག་ལ་སྟོབས་ཅི་ཞིག་ཡོད། ཕུགས་གང་ཕྱིར་རང་གི་ཚེ་སྲིང་བར་བྱ། ༡༢ ངའི་སྟོབས་རྡོ་རྣམས་ཀྱི་སྟོབས་འདྲ་ཡིན་ནམ། ཡང་ན་ངའི་ཤ་ར་གན་ལས་ཡིན་ནམ། ༡༣ ངའི་ཁོག་ནང་གི་སྐྱབས་དེ་ཡལ་གྱུར་ཏམ། ཡེ་ཤེས་དེ་ཡིས་ཡོངས་སུ་བདག་ལས་ཕྲལ་གྱུར་ཏམ།

༡༤ མཛའ་བོས་སྡུག་ཕོངས་ལ་སྙིང་རྗེ་བསྟན་དགོས། དེ་མིན་དེས་ཀུན་དབང་གི་འཇིགས་པ་འདོར། ༡༥ ར་ཏིའི་ཚུལ་དུ་སྤུན་ཟླས་ངའི་མགོ་བསླུས། གྲོག་པོ་གཟར་པོ་ལྟར་དུ་དེ་དག་འབྱོལ། ༡༦ གངས་ཀྱིས་རྐྱེན་བྱས་དེ་དག་ནག་སེ་ནག དེ་དག་གི་ནང་ན་གངས་འཆབ་སེ་འཆབ། ༡༧ དྲོད་འབྱུང་དུས་སུ་དེ་དག་ཡལ་ནས་འགྲོ། ཚད་པའི་དུས་དུ་དེ་དག་རང་སར་ཐིམ། ༡༨ བྱེས་པ་རང་གི་ལམ་ལས་འཁྱར་འཁྱར་ཞིང་། སྟོངས་ས་རུ་ཕྱིན་ནས་དེ་རྣམས་ཚེ་འཕོ། ༡༩ ཐེ་མཱ་ཡི་བྱེས་པས་དེ་དག་ལ་བལྟས། ཤེ་བཱའི་བྲང་གྲོགས་ཀྱིས་དེ་དག་ལ་བསྒུགས། ༢༠ ཁོང་ཚོས་རེ་བ་བྱས་པས་སྐྱེངས་གྱུར་ཏེ། དེར་ཕྱིན་པ་དང་དེ་ཚོའི་ངོ་བབ་བྱུང་། ༢༡ དེའི་ཕྱིར་ད་ལྟ་ཁྱེད་ཚོ་ཡང་མ་ལུས། ངའི་འཇིགས་པ་མཐོང་ནས་ཁྱེད་ཅག་ཞེད་བྱུང་། ༢༢ བདག་ལ་སྦྱིན་ཞིག་ཡང་ན་ཁྱེད་ཅག་གི། ནོར་ལས་སྐྱེས་ཐོང་ངས་ཁྱེད་ལས་ཞུས་སམ། ༢༣ ཡང་ན་དགྲའི་ལག་ལས་བདག་སྐྱོབ་པར་མཛོད། ཡང་ན་དབང་ལྡན་ལག་ལས་སྒྲོལ་ཞུས་སམ།

༢༤ བདག་ལ་སློབས་ཤིག་དང་ངས་ཁ་འཚུམ་བྱ། བདག་གང་ནང་འཕྱུགས་པ་བརྡ་སྤྲོད་མཛོད་དང་། ༢༥ བློ་དྲང་གི་ཚིག་མངར་གྱིས་ཁྱེད་ཅག་གི། རྩོད་པས་གང་དོན་གྱི་ཁུངས་སྐྱེལ་བར་བྱེད། ༢༦ ཁྱེད་ཅག་གིས་ཚིག་འཚང་འབྲུ་རུ་དམིགས་སམ། གཡག་སྐྱ་ཡི་གཏམ་གླེང་རླུང་དང་མཚུངས་ཏེ། ༢༧ ཁྱེད་ཚོས་དྭ་ཕྲུག་རྣམས་ལ་རྒོལ་ཡང་རྒོལ། རང་གི་མཆེད་གྲོགས་འཚོང་བའི་ཚོང་ཟོག་བྱེད། ༢༨ དེའི་ཕྱིར་ད་ཚིམ་ཞིང་ང་ལ་གཟིགས་ཤིག ངས་གདོང་ཁར་རྫུན་མི་ཟེར་བར་ངེས་སོ། ༢༩ ངས་ལྡོག་ཏུ་ཞུ་བས་སྐྱོན་འོང་མ་ཆུག འདི་ནང་བདག་དྲང་བས་སླར་ལྡོག་ཏུ་ཞུ། ༣༠ ངའི་ལྕེ་ཐོག་མི་ཚངས་པ་ཞིག་འདུག་གམ། ངའི་རྟོགས་པས་ལོག་པར་ཅན་མི་ཤེས་སམ༎