དེ་ནས་ཐེ་མན་པ་ཨེ་ལི་ཕཱ་ཡིས་ལན་དུ་སྨྲས་པ། ༢ གཏམ་ཞིག་ཞུ་ན་ཁྱེད་ཐུགས་འཁྲུགས་འགྱུར་རམ། འོན་ཀྱང་མ་ཟེར་བར་སུ་བཟོད་པར་ནུས། ༣ ཀྱེ་ཧོ་མང་པོར་ཁྱེད་ཀྱིས་གདམས་ངག་གནང་། ཁྱེད་ཀྱིས་ཉམས་ཆུང་ལ་ལག་ཤེད་བཅུག་གོ། ༤ ཁྱེད་ཀྱི་ཞལ་ཏས་ལྟུང་ཁར་ཡོད་པ་བཟུང་། ཁྱེད་ཀྱིས་པུས་མོ་ལྷོད་པོར་སྟོབས་བཅུག་མོད། ༥ ད་དེ་རང་ཁྱེད་ཐོག་བབ་པས་ཁྱེད་འཁམས། ཁྱེད་ལ་ཕོག་པས་ཁྱེད་ཁོང་འཁྲུགས་པར་བྱེད། ༦ དཀོན་མཆོག་ལ་འཇིགས་པ་གདེང་མ་ཡིན་ནམ། ཆོས་དྲང་པོ་དེ་རེ་བ་མ་ཡིན་ནམ། ༧ ནོངས་མེད་པ་ནམ་ཤི་ཐུགས་སུ་དྲན་མཛོད། ཡང་ན་ཆོས་དྲང་པོ་གང་དུ་བཅད་བྱུང་། ༨ ངན་པ་རྨོ་ཞིང་མི་དགེ་འདེབས་པ་ཡིས། དེ་རང་སྡུད་པར་ང་ཡིས་མཐོང་ཡང་མཐོང་། ༩ དཀོན་མཆོག་ཞལ་གྱི་དབུགས་ཀྱིས་དེ་དག་འཆི། ཁོང་གི་ཤངས་དབུགས་ཀྱིས་ནི་དེ་རྣམས་ནུབ། ༡༠ སེང་གེའི་ངར་སྐད་དང་སེང་དྲག་པོའི་སྒྲ། སེང་དར་མའི་མཆེ་བ་དང་བཅས་སུ་ཆག ༡༡ སེང་རྒན་ལ་ལིངས་ཆད་བྱུང་སྟེ་ཤི་བས། སེང་མོའི་སེང་ཕྲུག་རྣམས་ཁྲེ་ཟིང་ངེར་སོང་།