སྒོ་པ་རྣམས་ཀྱི་གྲལ་རིམ་ནི། ཀོ་རཱ་པའི་ནང་ནས་ཨ་སབ་ཀྱི་བརྒྱུད་པ་ལས། ཀོ་རེའི་བུ་མེ་ཤེ་ལེམ་ཡཱ། ༢ ཡང་མེ་ཤེ་ལེམ་ཡཱའི་བུ་རྣམས་ནི། སྔོན་སྐྱེས་ཟ་ཀར་ཡཱ། གཉིས་པ་ཡེ་དི་ཡཱ་ཨེལ། གསུམ་པ་ཟེ་བད་ཡཱ། བཞི་པ་ཡད་ནི་ཨེལ། ༣ ལྔ་པ་ཨེ་ལམ། དྲུག་པ་ཡོ་ཧ་ནན། བདུན་པ་ཨེལ་ཡོ་ཨེ་ནཱ་ཨི་སྟེ། ༤ ཨོ་བེད་ཨེ་དོམ་གྱི་བུ་རྣམས་ནི། སྔོན་སྐྱེས་ཤེ་མ་ཡཱ། གཉིས་པ་ཡོ་ཟ་བད། གསུམ་པ་ཡོ་ཨ། བཞི་པ་ས་ཀཱར། ལྔ་པ་ནེ་ཐན་ཨེལ། ༥ དྲུག་པ་ཨམ་མི་ཨེལ། བདུན་པ་ཨི་ས་གར། བརྒྱད་པ་པེ་ཨུལ་ལེ་ཐཱ་ཨིའོ། ༦ དེ་ལྟར་དཀོན་མཆོག་གིས་དེ་ལ་བྱིན་གྱིས་བརླབས་སོ། དེའི་བུ་ཤེ་མ་ཡཱ་ལས་ཀྱང་བུ་རྣམས་ཆད་དེ། དེ་རྣམས་དཔའ་རྩལ་དང་ལྡན་པས། རང་གི་ཕ་སྤད་ཀྱི་འགོ་བྱེད་བྱས་པ་ཡིན། ༧ ཤེ་མ་ཡཱའི་བུ་རྣམས་ནི། ཨོད་ནི་དང་། རེ་ཕ་ཨེལ་དང་། ཨོ་བེད་དང་། ཨེལ་ཟ་བད་དང་། ཨེ་ལི་ཧུ་དང་། སེ་མག་ཡཱ་དང་དྲུག་སྟེ། ཨེལ་ཟ་བད་ཀྱི་སྤུན་ཟླ་རྣམས་མི་སྟོབས་པོ་ཆེ་ཡོད་པ་ཡིན། ༨ དེ་ཐམས་ཅད་ནི་ཨོ་བེད་ཨེ་དོམ་གྱི་བུ་སྟེ། དེ་དག་དང་དེ་དག་གི་བུ་དང་སྤུན་རྣམས་ཞབས་ཏོག་གི་ལས་བྱེད་དུ་རེམ་པ་ཡོད་པ་ཡིན་ཏེ། ཨོ་བེད་ཨེ་དོམ་གྱི་ནང་ནས་མི་དྲུག་ཅུ་རེ་གཉིས་ཡོད་པ་ཡིན་ནོ། ༩ མེ་ཤེ་ལེམ་ཡཱ་ལ་བུ་དང་སྤུན་སྟོབས་ལྡན་བཅོ་བརྒྱད་ཡོད་པ་ཡིན། ༡༠ ཡང་མེ་རཱ་རིའི་བརྒྱུད་པའི་ནང་ནས་ཧོ་སཱ་ལ་ཡང་བུ་རྣམས་ཡོད་དེ། ཤིམ་རི་སྔོན་སྐྱེས་མིན་བཞིན། དེའི་ཕས་ཁོ་འགོ་པར་བཞག་ནས། འགོ་དཔོན་བྱས་པ་ཡིན། ༡༡ བུ་གཉིས་པ་ནི་ཧིལ་ཀི་ཡཱ། གསུམ་པ་ཏེ་བལ་ཡཱ། བཞི་པ་ཟ་ཀར་ཡཱ་སྟེ། ཧོ་སཱའི་བུ་དང་སྤུན་བཅས་སྡོམ་བཅུ་གསུམ་ཡོད་པ་ཡིན།