ཡང་ལོ་གཅིག་ཁྱིར་འཁོར་སོང་བ་དང་། རྒྱལ་པོ་རྣམས་དམག་འདེགས་པའི་དུས་རན་ནས། ཡོ་ཨབ་ཀྱིས་དམག་དཔུང་ཤུགས་ལྡན་དེ་ཁྲིད་ནས། ཨམ་མོན་གྱི་བུ་བརྒྱུད་ཀྱི་ཡུལ་བཤིག་ནས་འོངས་ཏེ་རབ་བཱ་ལ་དམག་སྐོར་བཏང་ནས་བསྡད། འོན་ཀྱང་དཱ་བིད་་ཡེ་རུ་ཤ་ལེམ་དུ་བཞུགས་སོ། དེ་ནས་ཡོ་ཨབ་ཀྱིས་རབ་བཱ་དྲལ་ནས། ཡུལ་སྟོང་དུ་བྱས། ༢ དཱ་བིད་ཀྱིས་ཡུལ་དེའི་རྒྱལ་པོའི་མགོ་ལས་ཅོད་པན་ཕྲོག་སྟེ། དཱ་བིད་ཀྱི་དབུ་ལ་གསོལ་ཏོ། རྡོ་བ་རིན་པོ་ཆེས་སྤྲས་པའི་ཅོད་པན་དེའི་སྐར་ཁ་ནི་གསེར་གྱི་རྡོ་ཚད་གཅིག་གི་ལྕིད་ཡོད་པ་ཡིན། ཁོང་གིས་གྲོང་ཁྱེར་དེ་ལས་ནོམ་པ་དཔག་མེད་ཁྱེར་ཏོ། ༣ ཁོང་གིས་དེའི་ནང་ན་ཡོད་པའི་མི་རྣམས་ཕྱི་རོལ་དུ་ཁྱེར་ནས། སོག་ལེ་དང་། ལྕགས་ཀྱི་གསལ་ཤིང་དང་། དགྲ་སྟས་བཏུབ་ནས། དཱ་བིད་ཀྱིས་ཨམ་མོན་གྱི་བུ་བརྒྱུད་ཀྱི་གྲོང་ཁྱེར་ཐམས་ཅད་ལ་དེ་དང་འདྲ་བར་བྱས་ཏེ། དཱ་བིད་དང་མི་སྡེ་ཚང་མ་ཡེ་རུ་ཤ་ལེམ་དུ་གདན་འཁོར་བ་ཡིན།