དེ་རུ་ཤ་ཨུལ་གྱིས་ཉིད་ཀྱི་སྲས་ཡོ་ན་ཐན་དང་གཡོག་པོ་ཐམས་ཅད་ལ་དཱ་བིད་གསོད་ཅིག་སྨྲས་སོ། ༢ ཡང་ཤ་ཨུལ་གྱི་སྲས་ཡོ་ན་ཐན་་དཱ་བིད་ལ་ཤིན་ཏུ་དགའ་བས། ཡོ་ན་ཐན་གྱིས་དཱ་བིད་ལ་བཤད་ཅིང་སྨྲས་པ། ངའི་ཕ་ཤ་ཨུལ་གྱིས་ཁྱོད་གསོད་དུ་བལྟ་བས། སང་སྔ་དྲོ་ཁྱོད་ཀྱིས་བྱ་ར་བྱེད་ཅིང་། ཕག་གི་གནས་ཤིག་ཏུ་སྡོད་ཡིབ་པར་བྱོས་དང་། ༣ ང་ནི་ཕྱི་རོལ་ཏུ་འགྲོ་ནས། ཁྱོད་སྡོད་སའི་ཐད་དུ་རང་གི་ཕ་ཡི་གཞོགས་སུ་འདུག་སྟེ། ཕ་དང་མཉམ་དུ་ཁྱོད་ཀྱི་དོན་དུ་གཏམ་བྱེད་པར་བྱ། དེར་ཅི་མཐོང་བ་དེ་ནི་ངས་ཁྱོད་ལ་འཆད་པར་བྱའོ། ༤ དེ་ནས་ཡོ་ན་ཐན་གྱིས་རང་གི་ཕ་ཤ་ཨུལ་གྱི་དྲུང་དུ་དཱ་བིད་ཀྱི་དོན་དུ་གཏམ་བཟང་སྨྲས་ཤིང་དེ་ལ། རྒྱལ་པོས་རང་ཉིད་ཀྱི་བྲན་པོ་དཱ་བིད་ཀྱི་ཐོག་ཏུ་ཉེས་སྡིག་མ་མཛོད་ཅིག ཁོས་ཁྱེད་ཀྱི་ཐོག་ཏུ་ཉེས་སྡིག་གང་ཡང་མ་བྱས་ཀྱི། ཁོའི་བྱ་བ་ཐམས་ཅད་ཁྱེད་ཀྱི་དྲུང་དུ་བཟང་པོ་ཡོད་པ་ཡིན། ༥ ཁོས་རང་གི་སྲོག་རང་གི་ལག་ཏུ་བཞག་ཅིང་། ཕེ་ལེ་ཤེད་པ་བསད་པས། ཡ་ཧོ་ཝཱས་ཨིས་ར་ཨེལ་ཐམས་ཅད་ཀྱི་དོན་དུ་སྐྱབས་ཆེན་པོ་ཞིག་མཛད་དོ། ཁྱེད་ཀྱིས་དེ་ལ་གཟིགས་ཏེ་དགའ་བར་གྱུར་ཏོ། སྐྱོན་མེད་པའི་ཁྲག་ལ་ཉེས་སྡིག་བྱེད་ཅིང་། དཱ་བིད་དོན་མེད་ལ་ཅིའི་ཕྱིར་གསོད་པར་བྱ་ཞེས་ཞུས་པས། ༦ ཤ་ཨུལ་གྱིས་ཡོ་ན་ཐན་གྱི་གཏམ་དེ་ལ་ཉན་ནས། ཡ་ཧོ་ཝཱའི་གསོན་པ་ཉིད་ཀྱི་མནའ་བོར་ཏེ། ཁོ་ནི་གསོད་པར་མི་བྱ་ཞེས་སྨྲས་སོ། ༧ ཡོ་ན་ཐན་གྱིས་དཱ་བིད་ལ་བོས་ནས། གཏམ་དེ་ཐམས་ཅད་ཁོ་ལ་བཤད་དོ། དེ་ནས་ཡོ་ན་ཐན་གྱིས་དཱ་བིད་་ཤ་ཨུལ་གྱི་དྲུང་དུ་ཁྲིད་ནས། ཁོ་སྔོན་མ་ལྟར་དེའི་དྲུང་དུ་གནས་སོ༎