དེ་ནས་ཨེབ་ར་ཨིམ་རིའི་ཡུལ་ལ་མི་ཀཱ་བྱ་བའི་མི་ཞིག་ཡོད་པ་ཡིན། ༢ དེས་རང་གི་མ་ལ། ཁྱེད་ནས་ཁྱེར་བའི་དངུལ་བརྒྱ་བཅུ་གཅིག ཁྱེད་ཀྱིས་དེའི་ཕྱིར་དམོད་པ་བོར་ནས་ངའི་རྣ་བ་ལ་ཡང་སྨྲས་པའི་དངུལ་དེ། ལྟོས་ཤིག དངུལ་དེ་ངའི་ལག་ཏུ་ཡོད། ངས་དེ་བླངས་པ་ཡིན་གྱིས། ད་ལྟ་ངས་ཕྱིར་ལོག་འབུལ་བར་བྱ་ཞེས་ཟེར་བས། ཁོའི་མས་དེ་ལ། ཡ་ཧོ་ཝཱས་ཁྱོད་ལ་བྱིན་རླབས་གནོང་ཞིག ངའི་བུ། ཞེས་སྨྲས་པ་དང་། ༣ ཁོས་དངུལ་བརྒྱ་བཅུ་གཅིག་དེ་རང་གི་མ་ལ་ཕྱིར་ཕུལ་བས། མ་ན་རེ། དངུལ་དེ་ངས་རང་གི་ལག་པ་ནས་ངའི་བུའི་དོན་དུ་ཡ་ཧོ་ཝཱ་ལ་ཕུལ་བ་ཡིན། དེའི་ནང་ནས་རྐོས་པའི་སྐུ་དང་བླུགས་མའི་སྐུ་ཞིག་བཟོ་བར་བྱ། ད་དེའི་དོན་དུ་ངས་ཁྱོད་ལ་ཕྱིར་གཏོང་ངོ་ཞེས་སྨྲས་ཀྱང་། ༤ ཁོས་དངུལ་དེ་རང་གི་མ་ལ་ཕྱིར་ཕུལ་བ་དང་། ཁོའི་མས་དངུལ་ཉིས་བརྒྱ་བླངས་ནས། བཟོ་པ་ལ་བཏད་དེ། དེས་དེ་རྣམས་ནས་རྐོས་སྐུ་དང་བླུགས་སྐུ་ཞིག་བཟོས་ནས། དེ་ནི་མི་ཀཱའི་ཁང་པར་བཞག་གོ། ༥ ཡང་སྐྱེས་པ་མི་ཀཱ་ལ་དཀོན་མཆོག་མཆོད་ཁང་ཞིག་ཡོད་དེ། ཨེ་ཕོད་ཅིག་དང་ཏེ་ར་ཕིམ་བཟོས་ནས། རང་གི་བུ་རྣམས་ལས་གཅིག་བླ་མར་འགྱུར་དུ་དམ་པར་བྱས་སོ། ༦ དེའི་ཚེ་ཨིས་ར་ཨེལ་གྱི་ནང་དུ་རྒྱལ་པོ་མེད་པས། མི་རེ་རེས་རང་གི་འདོད་པ་བཞིན་དུ་བྱས་སོ༎