ཡང་ཤིམ་ཨོན་གྱི་ཕྱིར་རྟགས་རིལ་འདེབས་ཤིང་ནོར་སྐལ་གཉིས་པ་ནི་ཤིམ་ཨོན་གྱི་བུ་རྣམས་ཀྱི་སྡེ་རེ་རང་གི་བརྒྱུད་བཞིན་དུ་ཐོན་ནས། ཡུ་དཱ་ཡི་བུ་རྣམས་ཀྱི་ནོར་སྐལ་གྱི་དབུས་སུ་དེ་དག་ལ་ས་སྐལ་བརྙེད་དོ། ༢ ཡང་དེ་དག་ལ་བརྙེད་པའི་ས་སྐལ་ནི་བེ་ཨེར་ཤེ་བཱའམ་ཤེ་བཱ་དང་མོ་ལ་དཱ་དང་། ༣ ཧ་ཚར་ཤུ་ཨལ་དང་། བ་ལཱ་དང་། ཨེ་ཚེམ་དང་། ༤ ཨེལ་ཐོ་ལད་དང་། བེ་ཐུལ་དང་། ཧོར་མཱ་དང་། ༥ ཙིག་ལག་དང་། བེད་མར་ཁ་བོད་དང་། ཧ་ཚར་སུ་སཱ་དང་། ༦ བེད་ལེ་བ་ཨོད་དང་། ཤ་རུ་ཧེན་དང་གྲོང་ཁྱེར་བཅུ་གསུམ་དེ་དག་གི་ཡུལ་ཚོ་རྣམས་དང་བཅས་པའོ། ༧ ཡང་ཨ་ཨིན་དང་། རིམ་མོན་དང་། ཨེ་ཐེར་དང་། ཨ་ཤན་དང་གྲོང་ཁྱེར་བཞི་དེ་དག་གི་ཡུལ་ཚོ་རྣམས་སུ་བཅས་པ་དང་། ༨ བ་ཨ་ལད་བེ་ཨེར་རམ་རཱ་མད་ཀྱི་བར་དུ་ལྷོ་ཕྱོགས་སུ་ཡུལ་ཚོ་ཐམས་ཅད་གྲོང་ཁྱེར་དེ་རྣམས་ཀྱི་ཡུལ་འཁོར་དུ་ཡོད་པ་རྣམས་སོ། དེ་ནི་རེ་རང་གི་བརྒྱུད་བཞིན་དུ་ཤིམ་ཨོན་གྱི་བུ་རྣམས་ཀྱི་སྡེ་ལ་བརྙེད་པའི་ས་སྐལ་ལོ། ༩ ཤིམ་ཨོན་གྱི་བུ་རྣམས་ཀྱི་ས་སྐལ་ནི་ཡུ་དཱ་ཡི་བུ་རྣམས་ཀྱི་ཐོབ་ཐང་ལས་བྱུང་ངོ་། དེ་ཅིའི་ཕྱིར་ཞེ་ན། ཡུ་དཱ་ཡི་བུ་རྣམས་ཀྱི་ཐོབ་ཐང་ནི་རང་གི་ཕྱིར་ཧ་ཅང་མང་བ་ཡིན་པས་དེ་དག་གི་ནོར་སྐལ་གྱི་དབུས་ནས་ཤིམ་ཨོན་གྱི་བུ་རྣམས་ལ་ནོར་སྐལ་བརྙེད་དོ༎