ཡང་རྟགས་རིལ་བརྒྱབས་ནས་ཡུ་དཱའི་བུ་རྣམས་ཀྱི་སྡེ་རེ་རང་གི་བརྒྱུད་རྣམས་བཞིན་དུ་ཐོན་པ་དེ་ནི་ལྷོ་ཕྱོགས་སུ་ཨེ་དོམ་གྱི་ས་མཚམས་དང་འབྲོག་སྟོང་ཚིན་ལས་ལྷོ་ཕྱོགས་ཀྱི་བར་དུའོ། ༢ དེ་དག་གི་ས་ཚིགས་ནི་ལྷོ་ཕྱོགས་སུ་ཚྭ་མཚོའི་མཇུག་དང་ལྷོ་ཕྱོགས་སུ་ལྟ་བའི་མཚོ་ཁུག་ནས། ༣ ལྷོ་ཕྱོགས་སུ་རི་ཨག་རབ་བིམ་གྱི་བར་དུ་ཕྱིན་པ་དང་། ཚིན་དུ་ཕྱིན་ནས་ཁ་དཱེས་བར་ནེ་ཨ་ཡི་ལྷོ་ཕྱོགས་སུ་ཡར་སོང་བ་དང་། ཕ་རོལ་ཏུ་ཧེས་རོན་རྒྱུད་ནས་ཨ་དཱར་དུ་ཡར་སོང་ཞིང་ཁར་ཁ་ཨ་རུ་འཁོར་ནས། ༤ ཨ་ཚ་མོན་དུ་ཕ་རོལ་ཏུ་ཕྱིན་ནས་མི་སེར་ཡུལ་གྱི་གྲོག་པོ་རུ་ཕྱིན་ནོ། ཡང་ས་ཚིགས་ཀྱི་ཟུར་ནི་རྒྱ་མཚོའི་བར་དུའོ། དེ་ནི་ཁྱེད་ཀྱི་ཕྱིར་ལྷོ་ཕྱོགས་ཀྱི་ས་ཚིགས་ཡོད་པར་དགོས་སོ། ༥ ཡང་ཤར་ཕྱོགས་ཀྱི་ས་ཚིགས་ནི་ཚྭ་མཚོ་་ཡོར་དན་གྱི་མཐའ་མའི་བར་དུའོ། བྱང་ཕྱོགས་ཀྱི་ས་ཚིགས་ནི་མཚོ་ཁུག་ཡོར་དན་ཆུ་བོའི་མཇུག་ཏུ་ཡོད་པ་ནས། ༦ ས་ཚིགས་བེད་ཧོག་ལཱའི་ཕྱོགས་སུ་ཡར་སོང་ནས་བྱང་ཕྱོགས་སུ་བེད་ཨ་ར་བཱ་ཡི་ཕར་སོང་བ་དང་། རུ་བེན་གྱི་བུ་བོ་ཧན་གྱི་རྡོའི་བར་དུ་ས་མཐའ་ཡར་སོང་ངོ་། ༧ ཡང་ལུང་པ་ཨ་ཀོར་ནས་ས་མཚམས་ནི་དེ་བིར་གྱི་ཕྱོགས་སུ་ཡར་སོང་བ་དང་། བྱང་ཕྱོགས་སུ་ཨ་དུམ་མེམ་གྱི་རིའི་ཐད་དུ་གྲོག་པོའི་ལྷོ་ཕྱོགས་སུ་ཡོད་པའི་གིལ་གལ་གྱི་ཕྱོགས་སུ་འཁོར་བ་དང་། ས་མཚམས་ནི་ཨེན་ཤེ་མེས་ཀྱི་ཆུ་རྣམས་ཀྱི་བར་དུ་ཕ་རོལ་ཏུ་རྒྱུ་ཞིང་ཨེན་རོ་གེལ་དུ་ཕྱིན་ནོ། ༨ ཡང་ས་མཚམས་ཧིན་ནོམ་གྱི་བུའི་ལུང་པ་རྒྱུད་དེ་ཡེ་བུས་པའི་གནས་སམ་ཡེ་རུ་ཤ་ལེམ་གྱི་ལྷོ་ཕྱོགས་སུ་ཡར་སོང་ངོ་། དེ་ནས་ཡང་ས་ཚིགས་ནི་ཧིན་ནོམ་ལུང་པ་ནས་རྒྱ་མཚོའི་ཕྱོགས་དང་རེ་ཕ་ཨིམ་གྱི་ལུང་པའི་མཇུག་ཏུ་བྱང་ཕྱོགས་སུ་ཡོད་པའི་རི་རྩེར་ཡར་འཛེགས་སོ། ༩ ཡང་ས་ཚིགས་ནི་རིའི་རྩེ་མོ་ནས་གྲོག་པོ་ནེབ་ཐོ་ཨའི་ཆུ་མིག་གི་བར་དུ་རྒྱུ་ཞིང་རི་རྒྱུད་ཨེབ་རོན་གྱི་གྲོང་ཁྱེར་རྣམས་ཀྱི་བར་དུ་ཕྱིན་པ་དང་། ས་ཚིགས་ནི་བ་ཨ་ལཱའི་ཁིར་ཡད་ཡེ་ཨ་རིམ་གྱི་བར་དུ་འཁོར་རོ། ༡༠ ཡང་བ་ཨ་ལཱ་ནས་ས་ཚིགས་ནི་རྒྱ་མཚོའི་ཕྱོགས་སུ་རི་རྒྱུད་སེ་ཨིར་གྱི་བར་དུ་འཁོར་ཞིང་། ཡེ་ཨ་རིམ་མམ་ཀེས་ལོན་གྱི་ཟུར་གྱི་བྱང་ཕྱོགས་སུ་ཕ་རོལ་ཏུ་སོང་ནས་བེད་ཤེ་མེས་སུ་བབ་སྟེ་ཕ་རོལ་ཏུ་ཐིམ་ནཱ་རུ་སོང་། ༡༡ ཡང་ས་ཚིགས་ནི་ཨེག་རོན་གྱི་ཟུར་གྱི་བྱང་ཕྱོགས་སུ་ཕྱིན་ནས། ས་ཚིགས་སེག་རོན་གྱི་བར་དུ་ཐོན་ཏེ་རི་བ་ཨ་ལཱའི་བར་དུ་ཕ་རོལ་ཏུ་སོང་བ་དང་། ཡབ་ནེ་ཨེལ་ལ་ཕྱིན་ནས། ས་མཚམས་ཀྱི་མཐའ་མ་རྒྱ་མཚོ་རུ་ཕྱིན་ནོ། ༡༢ ཡང་ནུབ་ཕྱོགས་ཀྱི་ས་མཚམས་ནི་རྒྱ་མཚོ་ཆེན་པོ་དང་དེའི་ཉེ་འཁོར་རོ། དེ་ནི་རེ་རང་གི་བརྒྱུད་བཞིན་དུ་ཡུ་དཱ་ཡི་བུ་རྣམས་ཀྱི་ས་ཚིགས་སོ༎