ལོ་བདུན་བདུན་རྫོགས་སྐབས་སུ་ཁྱོད་ཀྱིས་འབུད་གཏོང་བར་དགོས། ༢ འབུད་གཏོང་ཚུལ་ནི་འདི་ལྟར་རོ། བུན་བདག་གང་གིས་ཀྱང་ནོར་རྫས་ཤིག་ཁྱིམ་མཚེས་ལ་བསྐྱིས་པ་དེ་འབུད་གཏོང་བར་དགོས། དེ་ནི་ཡ་ཧོ་ཝཱའི་ཕྱིར་འབུད་གཏོང་བའི་ལོ་ཡིན་པ་བཀར་བཏགས་པ་ཡིན་པས་སོ། ཁྱིམ་མཚེས་སམ་སྤུན་ལས་བུ་ལོན་འདེད་པར་མི་རུང་ངོ་། ༣ ཕྱི་མི་ཞིག་ལས་བུ་ལོན་འདེད་ཆོག་ཀྱང་། ཁྱོད་ཀྱི་ནོར་ནས་སྤུན་ལ་ཅི་ཡོད་པ་གཏོང་བར་དགོས། ༤ འོན་ཀྱང་དབུལ་པོ་སུ་ཡང་ཁྱོད་ཀྱི་དཀྱིལ་ན་ཡོད་པར་མི་རུང་ངོ་། གང་ལ་ཞེ་ན། ཡ་ཧོ་ཝཱ་ཁྱོད་ཀྱི་དཀོན་མཆོག་གིས་ཁྱོད་ལ་ནོར་སྐལ་དུ་བདོག་པའི་ཕྱིར་གནང་བར་འགྱུར་བའི་ཡུལ་དེ་ན་ཡ་ཧོ་ཝཱས་ཁྱོད་ལ་ངོ་ཐོག་བྱིན་རླབས་མཛད་པར་འགྱུར་རོ། ༥ ཁྱོད་ཀྱིས་ཡ་ཧོ་ཝཱ་ཁྱོད་ཀྱི་དཀོན་མཆོག་གི་གསུང་ལ་ཞིབ་ཏུ་ཉན་ཏེ་ངས་དེ་རིང་ཁྱོད་ལ་སྐུལ་བའི་བཀའ་ཐམས་ཅད་སྲུང་ཞིང་སྒྲུབ་ན། ཁོང་གིས་དེ་བཞིན་དུ་མཛད་པར་འགྱུར་རོ། ༦ དེའང་ཡ་ཧོ་ཝཱ་ཁྱོད་ཀྱི་དཀོན་མཆོག་གིས་ཁྱོད་ལ་གསུངས་པ་བཞིན་དུ་ཁྱོད་ལ་བྱིན་གྱིས་རློབ་འོང་བས། ཁྱོད་ཀྱིས་ཕྱིའི་མི་བརྒྱུད་མང་པོ་ལ་ནོར་སྐྱིའི། ཁྱོད་ཀྱིས་གང་ནས་ཀྱང་ནོར་སྐྱི་བར་མི་འགྱུར། ཡང་ཁྱོད་ཀྱིས་ཕྱིའི་མི་བརྒྱུད་མང་པོ་ལ་སྲིད་བྱེད་ཡོང་། དེ་དག་གིས་ཁྱོད་ལ་སྲིད་བྱེད་བར་མི་འགྱུར་རོ༎