༡༧ ཡང་མོ་ཤེ་དང་ཨ་རོན་གཉིས་ཀྱིས་མིང་ནས་བརྗོད་པའི་མི་དེ་རྣམས་ཁྲིད་དེ། ༡༨ ཟླ་བ་གཉིས་པའི་ཚེས་དང་པོ་ལ་ཆོས་ཚོགས་ཐམས་ཅད་བསྡུས་ནས་ཡ་ཧོ་ཝཱས་མོ་ཤེ་ལ་བཀའ་སྩལ་པ་བཞིན་དུ་དེ་དག་གི་རིགས་བརྒྱུད་དང་ཕ་རྣམས་ཀྱི་ཁང་པ་རྣམས་ལོ་ཉི་ཤུ་པ་ནས་ཡན་ཆད་མིང་རེ་བཞིན་དུ་ཐོ་རུ་འབྲི་བཅུག་གོ། ༡༩ ཡང་འབྲོག་སྟོང་སི་ནཱ་རུ་དེ་དག་གི་གྲངས་བརྩིས་སོ༎

༢༠ ཡང་ཨིས་ར་ཨེལ་གྱི་སྔོན་སྐྱེས་ཀྱི་བུ་རུ་བེན་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་སྐྱེས་པ་རེ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ནས་ཡན་ཆད་དམག་འཐབ་ནུས་པ་ཐམས་ཅད། ༢༡ རུ་བེན་གྱི་སྡེ་ལས་བརྩིས་པའི་གྲངས་བཞི་ཁྲི་དྲུག་སྟོང་ལྔ་བརྒྱའོ༎

༢༢ ཤིམ་ཨོན་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་སྐྱེས་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༢༣ ཤིམ་ཨོན་གྱི་སྡེ་ལས་བརྩིས་པའི་མིའི་གྲངས་ནི་ལྔ་ཁྲི་དགུ་སྟོང་གསུམ་བརྒྱའོ༎

༢༤ གད་ཀྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པར་སྐྱེས་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༢༥ གད་ཀྱི་སྡེ་ལས་བརྩིས་པའི་མིའི་གྲངས་ནི་བཞི་ཁྲི་ལྔ་སྟོང་དྲུག་བརྒྱ་དང་ལྔ་བཅུའོ༎

༢༦ ཡ་ཧུ་དཱ་ཡི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་སྐྱེས་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༢༧ ཡ་ཧུ་དཱ་ཡི་སྡེ་ལས་བརྩིས་པའི་མིའི་གྲངས་ནི་བདུན་ཁྲི་བཞི་སྟོང་དྲུག་བརྒྱའོ༎

༢༨ ཨི་ས་གར་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་སྐྱེས་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༢༩ ཨི་ས་གར་གྱི་སྡེ་ལས་བརྩིས་པའི་མིའི་གྲངས་ནི་ལྔ་ཁྲི་བཞི་སྟོང་བཞི་བརྒྱའོ༎

༣༠ ཟེ་བུ་ལོན་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་སྐྱེས་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འདྲེན་པར་ནུས་པ་ཐམས་ཅད། ༣༡ ཟེ་བུ་ལོན་གྱི་སྡེ་ལས་བརྩིས་པའི་མིའི་གྲངས་ནི་ལྔ་ཁྲི་བདུན་སྟོང་བཞི་བརྒྱའོ༎

༣༢ ཡོ་སེབ་ཀྱི་བུ་རྣམས་ཟེར་ན་ཨེབ་ར་ཨིམ་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༣༣ ཨེབ་ར་ཨིམ་གྱི་སྡེ་ལས་བརྩིས་པའི་མིའི་གྲངས་ནི་བཞི་ཁྲི་ལྔ་བརྒྱའོ༎

༣༤ མ་ན་ཤེའི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༣༥ མ་ན་ཤེའི་སྡེ་ལས་བརྩིས་པའི་མིའི་གྲངས་ནི་སུམ་ཁྲི་ཉིས་སྟོང་ཉིས་བརྒྱའོ༎

༣༦ བེན་ཡ་མིན་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་ལྟར་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༣༧ བེན་ཡ་མིན་གྱི་སྡེ་ལས་བརྩིས་པའི་མིའི་གྲངས་ནི་སུམ་ཁྲི་ལྔ་སྟོང་བཞི་བརྒྱའོ༎

༣༨ དཱན་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༣༩ དཱན་གྱི་སྡེ་ལས་བརྩིས་པའི་མིའི་གྲངས་ནི་དྲུག་ཁྲི་ཉིས་སྟོང་བདུན་བརྒྱའོ༎

༤༠ ཨ་ཤེར་གྱི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༤༡ ཨ་ཤེར་གྱི་སྡེ་ལས་བརྩིས་པའི་མིའི་གྲངས་ནི་བཞི་ཁྲི་གཅིག་སྟོང་ལྔ་བརྒྱའོ༎

༤༢ ནབ་ཐ་ལི་ཡི་བུ་རྣམས་དེ་དག་གི་བུ་རབས་དང་རིགས་བརྒྱུད་དང་ཕའི་ཁང་པ་རེའི་མིང་གི་གྲངས་བཞིན་དུ་ལོ་ཉི་ཤུ་པ་ཡན་ཆད་དམག་འཐབ་པར་ནུས་པ་ཐམས་ཅད། ༤༣ ནབ་ཐ་ལི་ཡི་སྡེ་ལས་བརྩིས་པའི་མིའི་གྲངས་ནི་ལྔ་ཁྲི་སུམ་སྟོང་བཞི་བརྒྱའོ༎

༤༤ དེ་ནི་མོ་ཤེ་དང་ཨ་རོན་དང་ཨིས་ར་ཨེལ་གྱི་སྡེ་དཔོན་བཅུ་གཉིས་པོས་བརྩིས་པའི་མི་ནི་ཕའི་ཁང་པ་རེ་ལས་མི་རེའི་གྲངས་ཡིན་ཏེ། ༤༥ ཨིས་ར་ཨེལ་གྱི་བུ་རྣམས་ལས་ཕའི་ཁང་པ་རྣམས་བཞིན་དུ་ལོ་ཉི་ཤུ་པ་ཡན་ཆད་ཨིས་ར་ཨེལ་ན་དམག་འཐབ་པར་ནུས་པ་ཐམས་ཅད། ༤༦ བརྩིས་པར་གྱུར་པ་ཐམས་ཅད་ཀྱི་གྲངས་ནི་དྲུག་འབུམ་སུམ་སྟོང་ལྔ་བརྒྱ་ལྔ་བཅུའོ༎

༤༧ འོན་ཀྱང་ལེ་ཝི་པ་རྣམས་རང་གི་ཕ་རྣམས་ཀྱི་རིགས་བརྒྱུད་བཞིན་དུ་དེ་དག་དང་མཉམ་དུ་རྩི་བར་མ་གྱུར་ཏོ། ༤༨ ཅི་ལ་ཟེར་ན། ཡ་ཧོ་ཝཱས་མོ་ཤེ་ལ་འདི་སྐད་དུ། ༤༩ ལེ་ཝིའི་སྡེ་འབའ་ཞིག་ཨིས་ར་ཨེལ་གྱི་བུ་རྣམས་དང་མཉམ་དུ་རྩི་བ་དང་དེ་དག་གི་གྲངས་འདེབས་པར་མི་རུང་། ༥༠ འོན་ཀྱང་དཔང་པོའི་གུར་མཆོག་དང་དེའི་མཆོད་རྫས་ཐམས་ཅད་དང་དེ་ལ་གཏོགས་པ་ཀུན་གྱི་ཁག་དེ་དག་ལ་ཁོལ་ཞིག དེ་རྣམས་ཀྱིས་གུར་མཆོག་མཆོད་རྫས་ཐམས་ཅད་དང་བཅས་པ་འཁུར་བ་དང་དེའི་ཞབས་ཏོག་བྱེད་པ་དང་། གུར་མཆོག་གི་མཐའ་འཁོར་དུ་རང་གི་གུར་རྣམས་འདེབས་པར་དགོས་སོ། ༥༡ ཡང་གུར་མཆོག་འཕོ་བའི་དུས་སུ་ལེ་ཝི་པ་རྣམས་ཀྱིས་དེ་འབེབས་པ་དང་། གུར་མཆོག་བཞུགས་པའི་དུས་སུ་ལེ་ཝི་པ་རྣམས་ཀྱིས་དེ་འབུབས་པར་དགོས། འོན་ཀྱང་ཉེ་བར་འོང་བའི་ཕྱིར་མི་དེ་གསོད་པར་དགོས་སོ། ༥༢ ཡང་ཨིས་ར་ཨེལ་གྱི་བུ་རྣམས་རེ་རང་གི་གུར་རེ་རང་གི་དར་པོ་ཆེའི་མདུན་དུ་དང་། རེ་རང་གི་ཚོ་རྣམས་བཞིན་དུ་སྒར་འདེབས་པར་དགོས། ༥༣ འོན་ཀྱང་ཨིས་ར་ཨེལ་གྱི་བུ་རྣམས་ཀྱི་ཆོས་ཚོགས་ལ་ཐུགས་ཁྲོ་མི་འབབ་པའི་ཕྱིར་ལེ་ཝི་པ་རྣམས་དཔང་པོའི་གུར་མཆོག་གི་མཐའ་འཁོར་དུ་སྒར་འདེབས་པ་དང་། ལེ་ཝི་པ་རྣམས་ཀྱིས་དཔང་པོའི་གུར་མཆོག་གི་ཞབས་ཏོག་བྱེད་པར་དགོས་སོ་ཞེས་བཀའ་གནང་ངོ་། ༥༤ ཡང་ཨིས་ར་ཨེལ་གྱི་བུ་རྣམས་ཀྱིས་དེ་བཞིན་དུ་བྱས། ཡ་ཧོ་ཝཱས་མོ་ཤེ་ལ་བཀའ་གནང་བ་བཞིན་དུ་དེ་དག་གིས་ཐམས་ཅད་བྱས་སོ༎