ཡང་མོ་ཤེས་བཞུགས་གནས་བཞེང་བ་བསྒྲུབས་ནས་དེ་བྱུགས་པས་བྱུགས་ཤིང་དམ་པར་བྱས་ཏེ། དེའི་མཆོད་རྫས་ཐམས་ཅད་དང་། མཆོད་ཁྲི་མཆོད་རྫས་ཐམས་ཅད་དང་བཅས་པ་བྱུགས་པས་བྱུགས་ཤིང་དམ་པར་བྱས་པའི་ཉིན་མོ་ལ། ༢ ཨིས་ར་ཨེལ་གྱི་དཔོན་པོ་དག་ཕའི་ཁང་པ་ཚང་མའི་འགོ་བྱེད་རྣམས་ནི་སྡེ་དཔོན་གྲངས་བརྩིས་པའི་མི་ཚོའི་འགོ་བྱེད་རྣམས་ཀྱིས། ༣ རང་གི་འབུལ་བ་རྣམས་ཡ་ཧོ་ཝཱའི་ཞལ་ངོར་ཕུལ་པ་འདི་ལྟར་རོ། ཡོལ་བ་བཀབ་ཡོད་པའི་ཤིང་རྟ་དྲུག་དང་གླང་བཅུ་གཉིས་ཤེ་ན་སྡེ་དཔོན་གཉིས་གཉིས་ནས་ཤིང་རྟ་རེ་དང་རེ་རེ་ནས་གླང་རེ་བཞུགས་གནས་ཀྱི་དྲུང་དུ་འཁྱེར་འོངས་སོ། ༤ ཡང་ཡ་ཧོ་ཝཱས་མོ་ཤེ་ལ་གསུངས་པ། ༥ འདུན་མའི་གུར་མཆོག་གི་བདག་རྐྱེན་གྱི་ཕྱིར་དེ་དག་ནས་དེ་རྣམས་བླངས་ནས་ལེ་ཝི་པ་རྣམས་ལ་རེ་རེའི་ལས་ཚན་བཞིན་དུ་ཐོང་ཞིག་ཅེས་བཀའ་གནང་ངོ་། ༦ མོ་ཤེས་ཤིང་རྟ་དང་གླང་བླངས་ནས་ལེ་ཝི་པ་རྣམས་ལ་བསྟེར། ༧ གེར་ཤོན་གྱི་བུ་རྣམས་ལ་རང་གི་ལས་ཚན་བཞིན་དུ་ཤིང་རྟ་གཉིས་དང་གླང་བཞི་བསྟེར། ༨ མེ་རཱ་རི་ཡི་བུ་རྣམས་ལ་རང་གི་ལས་ཚན་བཞིན་དུ་ཤིང་རྟ་བཞི་དང་གླང་བརྒྱད་བཏང་བ་དང་། དེ་ཚོ་བླ་མ་ཨ་རོན་གྱི་བུ་ཨི་ཐ་མར་གྱི་ལག་གི་འོག་ཏུ་བཞག་གོ། ༩ འོན་ཀྱང་ཀོ་ཧད་ཀྱི་བུ་རྣམས་ལ་གནས་དམ་པའི་ལས་ཚན་ཡོད་དེ། དེ་དག་གིས་དེ་གཉའ་བར་འཁུར་བས། དེ་རྣམས་ལ་ཅིའང་མ་བཏང་ངོ་། ༡༠ ཡང་མཆོད་ཁྲི་ལ་བྱུགས་པས་བྱུགས་པའི་ཉིན་ལ་སྡེ་དཔོན་དག་གིས་མཆོད་ཁྲིའི་མཆོད་འབུལ་བྱེད་པའི་འབུལ་བ་རྣམས་འཁྱེར་འོངས་སྡེ་དཔོན་རྣམས་ཀྱིས་འབུལ་བ་རྣམས་མཆོད་ཁྲིའི་བདུན་དུ་འཁྱེར་འོངས་སོ། ༡༡ ཡང་ཡ་ཧོ་ཝཱས་མོ་ཤེ་ལ། ཞག་རེ་ལ་སྡེ་དཔོན་གཅིག་གིས་མཆོད་ཁྲིའི་མཆོད་འབུལ་བྱེད་པའི་ཕྱིར་འབུལ་བ་རྣམས་འཁྱེར་འོང་བར་དགོས་ཞེས་བཀའ་གནང་ངོ་༎