༦ ཡང་བུའམ་བུ་མོའི་ཕྱིར་གཙང་སྦྲ་བྱེད་པའི་དུས་རྫོགས་ནས་བུད་མེད་ནི་གུར་མཆོག་གི་སྒོའི་འགྲམ་དུ་བླ་མ་ལ་སྦྱིན་སྲེག་ཏུ་ལུག་གུ་ལོ་གཅིག་པ་དང་། ཐི་བའམ་ཕུག་རོན་ཆུང་བ་ཞིག་སྡིག་པའི་ཕྱིར་འབུལ་བ་དང་མཆོད་པར་འབུལ་བར་དགོས་སོ། ༧ ཡང་བླ་མས་འབུལ་བ་དེ་རྣམས་ཡ་ཧོ་ཝཱ་ལ་འབུལ་ཞིང་བུད་མེད་ཀྱི་ཕྱིར་སྡིག་བཤགས་བྱེད་པར་དགོས། ད་ནས་དེ་མངལ་ཁྲག་ལས་གཙང་བར་འགྱུར་ཡོང་། དེ་ནི་བུ་དང་བུ་མོ་སྐྱེ་བའི་སྐབས་སུ་བུད་མེད་ལ་རྟེན་པའི་ཚུལ་ཁྲིམས་ཡིན་ནོ། ༨ ཡང་གལ་ཏེ་ལུག་གུ་འབུལ་བའི་ཕྱིར་བུད་མེད་ལ་ནོར་མེད་ན། ཐི་བ་གཉིས་སམ་ཕུག་རོན་ཆུང་བ་གཉིས་འཁྱེར་འོང་ནས་གཅིག་ནི་སྦྱིན་སྲེག་དང་གཅིག་སྡིག་པའི་ཕྱིར་མཆོད་པར་འབུལ་བར་དགོས་ཏེ། བླ་མས་དེའི་ཕྱིར་སྡིག་བཤགས་བྱས་ནས་མོ་གཙང་བར་འགྱུར་བར་བྱའོ་ཅེས་བཀའ་གནང་ངོ་༎