ཡང་གལ་ཏེ་མི་ཞིག་གིས་སྡིག་པ་འདི་ལྟར་བྱེད་ན། མནའ་སྐྱེལ་བའི་གཏམ་ཐོས་ནས་ཇི་མཐོང་བའམ་ཤེས་པ་དེ་ལ་རྟེན་ཏེ་དཔང་པོ་མི་བྱེད་ན་དེས་ཉེས་པ་ཞིག་བྱས། ༢ ཡང་ན་མི་ཞིག་གིས་མ་ཤེས་བཞིན་དུ་མི་གཙང་བའི་རྫས་གང་ཡིན་པ་ཟེར་ན། གཅན་གཟན་མི་གཙང་བའི་རོའམ་དུད་འགྲོ་མི་གཙང་བའི་རོའམ་སྲིན་བུ་མི་གཙང་བ་ཞིག་གི་རོ་ལ་རེག་པས་དེས་མི་གཙང་བར་སོང་སྟེ་ཉེས་པ་ཞིག་བྱས་པ། ༣ ཡང་ན་ཁོས་མ་ཤེས་བཞིན་དུ་མི་ལས་བྱུང་བའི་མི་གཙང་བ་གང་ཡང་རུང་བའི་མི་གཙང་བར་བྱེད་པའི་རྒྱུ་ལ་རེག་ན་ཉེས་པ་ཞིག་བྱས་པ། ༤ ཡང་ན་མི་ཞིག་གིས་དྲན་མེད་མནའ་སྐྱེལ་ན་ངན་པའམ་བཟང་པོ་ཞིག་བྱེད་པའི་དོན་དུ་དེའི་ཁ་ལས་མནའ་ཞིག་དྲན་མེད་ལ་ཡིན་པ་དེ་ནམ་ཤེས་ཡོང་བའི་ཚེ་དེ་ལྟ་བུའི་བྱ་བའི་རྐྱེན་གྱིས་ཁོ་ཉེས་པ་ཅན་འགྱུར་འོང་། ༥ དེ་ལྟ་བུའི་བྱ་བ་རྣམས་ཀྱི་ནང་ན་ཉེས་པ་བྱས་ཏེ། དེས་ཉེས་པ་བྱས་པ་དེ་མཐོལ་ནས། ༦ རང་གིས་བྱས་པའི་སྡིག་པའི་ཕྱིར་ཡ་ཧོ་ཝཱ་ལ་ཉེས་པ་སེལ་བའི་དོན་དུ་མཆོད་པ་ཞིག་འབུལ་བར་རུང་སྟེ། ཁྱུ་ལས་ལུག་གམ་ར་མ་མོ་ཞིག་སྡིག་པའི་ཕྱིར་མཆོད་པར་འབུལ་བར་དགོས། ཡང་བླ་མས་དེའི་སྡིག་པ་ལ་བལྟ་སྟེ་སྡིག་བཤགས་བྱེད་པར་འགྱུར་རོ༎