ཡང་གལ་ཏེ་མི་ཞིག་གི་འབུལ་བ་ནི་ཞི་བདེའི་མཆོད་པ་ཞིག་ཡིན་ན། ཕྱུགས་ལས་ཕོའམ་མོ་ཞིག་ཡིན་ན། ཡ་ཧོ་ཝཱའི་དྲུང་དུ་སྐྱོན་མེད་པ་ཞིག་འབུལ་བར་དགོས། ༢ ཡང་མཆོད་པར་འབུལ་བྱའི་དུད་འགྲོའི་མགོ་ལ་ཁོས་རང་གི་ལག་པ་བཞག་ནས་འདུན་མའི་གུར་མཆོག་གི་སྒོའི་འགྲམ་དུ་གསོད་པ་དང་། ཨ་རོན་གྱི་བུ་བླ་མ་བྱེད་པ་རྣམས་ཀྱིས་ཁྲག་མཆོད་ཁྲིའི་མཐའ་འཁོར་ལ་གཡོག་པར་དགོས། ༣ ཡང་ཞི་བདེའི་མཆོད་པ་ལས་ཡ་ཧོ་ཝཱ་ལ་སྦྱིན་སྲེག་ཅིག་འབུལ་བར་དགོས་པ་འདི་ལྟར་རོ། ནང་ཆ་འགེབས་པའི་ཚིལ་དང་རྒྱུ་མའི་ཚིལ་ཐམས་ཅད་དང་། ༤ མཁལ་མ་གཉིས་དེ་དག་གི་ཚིལ་དང་བཅས་པ་རྐེད་པ་ལ་ཡོད་པ་དང་། མཆིན་ཡོལ་དེ་མཁལ་མ་གཉིས་དང་བཅས་སུ་གཅོད་པར་བྱ། ༥ ཡང་ཨ་རོན་གྱི་བུ་རྣམས་ཀྱིས་མཆོད་ཁྲིའི་མེའི་གོང་དུ་བསྒྲིགས་པའི་ཤིང་ལ་བཞག་པའི་སྦྱིན་སྲེག་དེའི་སྟེང་དུ་དེ་སྦར་ཞིང་ཡ་ཧོ་ཝཱ་ལ་དྲི་ཞིམ་གྱི་སྦྱིན་སྲེག་ཏུ་འབུལ་དགོས་སོ༎