ངས་རྒྱ་མཚོའི་ནང་ནས་གཅན་གཟན་ཞིག་འཐོན་འོང་བར་མཐོང་བྱུང་། དེ་ལ་རྭ་ཅོ་བཅུ་དང་། མགོ་བདུན་དང་། རྭ་ཅོའི་ཐོག་ཏུ་གཙུག་རྒྱན་རེ་རེ་དང་། མགོ་རེའི་ཁར་སྐུར་འདེབས་ཀྱི་མིང་རེ་ཡོད་དོ། ༢ ངས་མཐོང་བའི་གཅན་གཟན་དེ་གཟིག་དང་འདྲ་སྟེ། དེའི་རྐང་པ་དོམ་གྱི་རྐང་པ་འདྲ་བ་དང་། ཁ་ནི་སེང་གེའི་ཁ་དང་འདྲ་བ་ཡིན་ཏེ། འདི་ལ་འབྲུག་དེས་རང་གི་མཐུ་དང་ཁྲི་དང་མངའ་དབང་བཏད་དོ། ༣ དེའི་མགོ་གཅིག་ལ་འཆི་བར་ཐུག་པ་ཙམ་གྱིས་བརྡུངས་ཡོད་པ་ལྟར་མཐོང་། འཆི་བ་ལ་ཐུག་པའི་རྨ་དེ་གསོས་པ་དང་། འཇིག་རྟེན་པ་ཐམས་ཅད་ཧ་ལས་ནས་གཅན་གཟན་དེའི་རྗེས་སུ་འབྲངས་སོ། ༤ གཅན་གཟན་ལ་འབྲུག་གིས་དབང་བཏང་བས། དེ་རྣམས་ཀྱིས་འབྲུག་ལ་བསྙེན་བཀུར་བྱས་སོ། ཡང་གཅན་གཟན་འདི་དང་འདྲ་བ་སུ་ཡོད། དེ་ལ་འཐབ་ཐུབ་མཁན་སུ་ཡོད་ཟེར་ཞིང་གཅན་གཟན་ལའང་བསྙེན་བཀུར་བྱས་སོ༎