ཡང་ཕོ་ཉ་མཐུ་ལྡན་ཞིག་ནམ་མཁའ་ལས་འབབ་པ་ངས་མཐོང་བྱུང་། དབུ་ཐོག་ཏུ་འཇའ་དང་ན་བཟའ་ལ་སྤྲིན་ཞིག་གསོལ་ཏེ། ཞལ་གདོང་ནི་ཉི་མ་ལྟ་བུ་དང་། ཞབས་ཟུང་མེའི་ཀ་བ་ལྟར་ཡོད་དོ། ༢ ཕྱག་ཏུ་ཕྱེས་ཡོད་པའི་ཤོག་སྒྲིལ་ཆུང་ངུ་ཞིག་ཡོད་དེ། ཞབས་གཡས་པ་རྒྱ་མཚོ་དང་། ཞབས་གཡོན་པ་སྐམ་ས་ལ་བགྲད་ཅིང་། ༣ སེང་གེའི་ངར་སྐད་ལྟར་གསུང་སྐད་ཆེན་པོས་འབོད་བསྒྲགས་པས། འབྲུག་བདུན་པོས་སྒྲ་བཏོན་ནོ། ༤ འབྲུག་བདུན་པོས་སྐད་བཏོན་ནས། ངས་འབྲི་རུ་བརྩམས་པ་དང་། ནམ་མཁའ་ལས་སྒྲ་ཞིག་གིས། འབྲུག་བདུན་པོས་སྨྲས་པ་རྣམས་མི་འབྲི་བར་གསང་ནས་ཞོག་ཅེས་གསུང་བ་ཐོས་སོ། ༥ ངས་མཐོང་བའི་རྒྱ་མཚོ་དང་སྐམ་ས་ལ་ཞབས་བགྲད་པའི་ཕོ་ཉས་ཕྱག་གཡས་པ་གནམ་ལ་བཏེགས་ཏེ། ༦ རྒྱུན་དུ་གསོན་པོར་བཞུགས་པ། ནམ་མཁའ་དང་དེའི་ནང་ཡོད་པ། ས་གཞི་དང་དེའི་ནང་ཡོད་པ། རྒྱ་མཚོ་དང་དེའི་ནང་ཡོད་པ་ཐམས་ཅད་ཀྱི་བཀོད་པ་པོའི་མནའ་བསྐྱལ་ཏེ། ད་མི་འགོར་བར། ༧ ཕོ་ཉ་བདུན་པས་དུང་སྐད་འདོན་པའི་ཚེ། ཉིད་ཀྱི་ཞབས་ཕྱི་དང་ལུང་སྟོན་པ་རྣམས་ལ་བསྟན་པའི་དཀོན་མཆོག་གི་གསང་བ་དེ་འགྲུབ་པར་འགྱུར་ཞེས་གསུངས་སོ༎