དེའི་རྗེས་སུ་ས་གཞིའི་གྲུ་བཞི་རུ་ཕོ་ཉ་བཞི་འགྲེང་བ་མཐོང་བྱུང་། སའམ་རྒྱ་མཚོ་འམ། སྐྱེ་ཤིང་གང་གི་ཐོག་ཏུའང་རླུང་མི་རྒྱུག་པའི་ཕྱིར། དེ་རྣམས་ཀྱིས་ས་གཞིའི་རླུང་བཞི་པོ་འགེགས་ཡོད་དོ། ༢ དཀོན་མཆོག་གསོན་པོའི་ཕྱག་ཐམ་འཁྱེར་བའི་ཕོ་ཉ་གཞན་ཞིག་ཤར་ཕྱོགས་ནས་ཡར་འོང་བ་ངས་མཐོང་བྱུང་། དེས་སྐམ་མཚོ་གཉིས་ལ་གནོད་པའི་དབང་ཐོབ་པའི་ཕོ་ཉ་བཞི་པོ་ལ་སྐད་ཆེན་པོས། ༣ ང་ཚོའི་དཀོན་མཆོག་གི་ཞབས་ཕྱི་རྣམས་ཀྱི་དཔྲལ་བ་ལ་ཕྱག་ཐམ་མ་རྒྱབ་པའི་བར་དུ། སའམ། རྒྱ་མཚོ་འམ། སྐྱེ་ཤིང་ལ་གནོད་པ་མ་བྱེད་ཅིག་ཅེས་འབོད་བསྒྲགས་སོ། ༤ ཨིས་ར་ཨེལ་གྱི་བུ་བརྒྱུད་ཀྱི་སྡེ་ཐམས་ཅད་ཀྱི་ནང་ནས་ཕྱག་ཐམ་ཕོག་པའི་གྲངས་ཆིག་འབུམ་བཞི་ཁྲི་བཞི་སྟོང་ཡོད་པ་ངས་ཐོས་བྱུང་། ༥ ཕྱག་ཐམ་བརྒྱབ་པ་ནི། ཡུ་དཱའི་སྡེ་ལས་སྟོང་བཅུ་གཉིས། རུ་བེན་གྱི་སྡེ་ལས་སྟོང་བཅུ་གཉིས། གད་ཀྱི་སྡེ་ལས་སྟོང་བཅུ་གཉིས། ༦ ཨ་ཤེར་གྱི་སྡེ་ལས་སྟོང་བཅུ་གཉིས། ནབ་ཐ་ལིའི་སྡེ་ལས་སྟོང་བཅུ་གཉིས། མ་ན་ཤེའི་སྡེ་ལས་སྟོང་བཅུ་གཉིས། ༧ ཤིམ་ཨོན་གྱི་སྡེ་ལས་སྟོང་བཅུ་གཉིས། ལེ་ཝིའི་སྡེ་ལས་སྟོང་བཅུ་གཉིས། ཨི་ས་གར་གྱི་སྡེ་ལས་སྟོང་བཅུ་གཉིས། ༨ ཟེ་བུ་ལོན་གྱི་སྡེ་ལས་སྟོང་བཅུ་གཉིས། ཡོ་སེབ་ཀྱི་སྡེ་ལས་སྟོང་བཅུ་གཉིས། བེན་ཡ་མིན་གྱི་སྡེ་ལས་སྟོང་བཅུ་གཉིས་སོ༎