༡༣
སྤུན་ལ་བྱམས་པའི་རྒྱུན་སྐྱོངས་ཤིག ༢ བྱེས་པ་རྣམས་ཀྱི་དགོས་འདོད་སྐོངས་ཤིག དེ་ལྟར་བྱས་པས་མི་ཁ་ཤས་ཀྱིས་མ་ཤེས་པར་ཕོ་ཉ་མཆོད་པ་ཡིན་ནོ། ༣ བཙོན་པ་རྣམས་རང་ཡང་བཙོན་པ་ཡིན་པ་ལྟར་དྲན་ཞིང་། ཁྱེད་རང་ལའང་གཟུགས་ཡོད་པས། དེ་བཞིན་དུ་འཚེ་བ་མྱོང་བ་རྣམས་དྲན་པར་གྱིས་ཤིག ༤ དཀོན་མཆོག་གིས་འདོད་ལོག་དང་ལོག་གཡེམ་བྱེད་པ་རྣམས་ལ་ཞལ་ཆེ་གཅོད་པར་འགྱུར་བས། བཟའ་མི་བྱེད་པ་ནི་ཀུན་ནང་སྟི་སྟང་འོས་པར་རྩི་ཞིང་། མལ་ཁྲི་གཞན་གྱི་གྲིབ་མས་མ་ནོག་ཅིག ༥ ཁོང་གིས་ངས་ཁྱོད་ཅིས་ཀྱང་མི་སྐྱུར་ཞིང་ནམ་ཡང་མི་སྤོང་ཞེས་གསུངས་པས། ནོར་བརྣབ་དང་བྲལ་ཏེ་ཅི་ཡོད་པ་དེ་ལ་ཚིམ་ཞིག ༦ དེ་ལྟར་ང་ཚོས་སྤོབས་པ་སྐྱེད་ཅིང་།སྟོངས་གྲོགས་གཙོ་བོ་ཡོད་པས་ང་མི་འཇིགས༎
མི་ཡིས་ང་ལ་ཅི་ཞིག་བྱེད་པར་ནུས། ཞེས་ཟེར་ཐུབ་བོ༎
༧ ཁྱེད་ཚོར་དཀོན་མཆོག་གི་བཀའ་བཤད་པའི་མགོ་སྐྱོང་མ་རྗེད་ཅིག དེ་ཚོའི་ཚེའི་སྙིང་པོར་བལྟ་ཞིང་དེ་ཚོའི་དད་སེམས་དཔེ་རུ་ལོངས་ཤིག ༨ ཡེ་ཤུ་མཱ་ཤི་ཀ་ནི་ཁ་སང་དང་། དེ་རིང་དང་། དུས་རྒྱུན་དུ་འགྱུར་བ་མེད་དོ། ༩ བསྟན་པ་སྣ་ཚོགས་དང་ཕྱི་རོལ་པའི་ལྟ་བས་ཁྱེད་ཚོ་བསླུ་བར་མ་གྱུར་ཅིག གང་ལ་རྟེན་པ་རྣམས་ལ་ཕན་མ་ཐོགས་པའི་ཁ་ཟས་ཀྱི་སྲུང་བྱ་ལས། ཐུགས་རྗེའི་སྒོ་ནས་སྙིང་བརྟན་པོར་འགྱུར་བ་ལེགས་སོ། ༡༠ ང་ཚོ་ལ་ཡོད་པའི་མཆོད་ཁྲི་ལས་གུར་མཆོག་གི་ཞབས་ཏོག་པ་རྣམས་ཀྱིས་ཟ་མི་ཆོག་གོ། ༡༡ སྡིག་པ་བཤགས་པའི་མཆོད་པའི་ཕྱིར་བླ་ཆེན་གྱིས་གཙང་ཁང་དུ་དུད་འགྲོའི་ཁྲག་འཁྱེར་ནས་རོ་རྣམས་སྒར་གྱི་ཕྱི་རོལ་དུ་མེས་སྲེག་གོ། ༡༢ དེ་ལྟར་ཡེ་ཤུས་ཀྱང་ཉིད་ཀྱི་སྐུ་ཁྲག་གི་སྒོ་ནས། མི་སྡེ་དམ་པར་མཛད་པའི་དོན་དུ། རྟ་སྒོའི་ཕྱི་རོལ་དུ་སྡུག་བསྔལ་མྱངས། ༡༣ དེའི་ཕྱིར་ང་ཚོས་ཁོང་གི་ཕྱིར་དམའ་འབེབས་འཁྱེར་ཞིང་། སྒར་གྱི་ཕྱི་རོལ་དུ་ཁོང་གི་དྲུང་དུ་འགྲོ་བར་བྱ། ༡༤ འདིར་ང་ཚོར་རྟག་པའི་གྲོང་ཁྱེར་མེད་པས་གནང་བར་འགྱུར་བའི་གྲོང་ཁྱེར་དེ་འཚོལ་ལོ། ༡༥ ད་ཁོང་གི་ངང་ནས་ང་ཚོས་རྟག་ཏུ་ཁོང་གི་མཚན་ཁས་ལེན་པའི་ཁ་ལྤགས་ཀྱི་འབྲས་བུ་ཡིན་པའི་བསྟོད་པའི་མཆོད་པ་འབུལ་བར་རིགས་སོ། ༡༦ གཞན་དོན་དང་སྦྱིན་པ་སྦྱིན་པ་མ་རྗེད་ཅིག འདི་འདྲ་བའི་མཆོད་པ་ལ་དཀོན་མཆོག་དགྱེས་སོ༎
༡༧ ཁྱེད་ཀྱི་མགོ་སྐྱོང་རྣམས་ཀྱི་བཀའ་ལ་ཉན་ཞིང་གཡོག་བྱོས་ཤིག དེ་རྣམས་ཀྱིས་རྩིས་གཏོང་དགོས་ཡོད་པའི་མི་ལྟར་གཉིད་མ་ལོག་པར་ཁྱོད་ཚོའི་སྲོག་བསྲུང་བས། དེ་རྣམས་ལ་སེམས་སྐྱོ་མེད་པར་དགའ་བཞིན་དུ་ལས་བྱེད་ཆུག་ཅིག དེ་མིན་ཁྱེད་ཚོར་ཅི་ཕན།
༡༨ ང་ཚོར་ཤེས་བཟང་གཙང་མ་དང་རྣམ་ཀུན་སྤྱོད་བཟང་ཡོད་པ་ལ་ཡིད་ཆེས་པས། ང་ཚོའི་དོན་དུ་སྨོན་ལམ་ཞུས་ཤིག ༡༩ ང་མྱུར་བར་ཁྱེད་ཚོའི་རྩར་ལོག་སླེབས་པའི་ཕྱིར་དུ་དེ་ལྟར་སྨོན་ལམ་ཞུ་བར་ལྷག་པར་སྐུལ་ལོ༎
༢༠ རྫི་བོ་ཆེན་པོ་ལགས་པའི་ང་ཚོའི་གཙོ་བོ་ཡེ་ཤུ་རྟག་པའི་ཞལ་ཆད་ཀྱི་སྐུ་ཁྲག་གི་སྒོ་ནས། གཤིན་པོ་རྣམས་ལས་གདན་དྲངས་པའི་ཞི་བདེའི་དཀོན་མཆོག་གིས། ༢༡ ཉིད་ཀྱི་དགོངས་པ་བཞིན་སྒྲུབ་ཏུ་དགེ་བ་ཐམས་ཅད་ནང་ཁྱེད་མཐར་ཕྱིན་པར་མཛད་པར་ཤོག ཉིད་ཀྱི་གཟིགས་ངོར་མཉེས་པ་དེ་ཡེ་ཤུ་མཱ་ཤི་ཀའི་ངང་ནས་ང་ཚོའི་ནང་དུ་སྐྱེད་པར་མཛོད་ཅིག ཁོང་ལ་རྒྱུན་ནས་རྒྱུན་དུ་བསྟོད་པ་འབྱུང་བར་ཤོག་ཅིག ཨ་མེན༎
༢༢ སྤུན་རྣམས། ངས་ཁྱེད་ཚོར་ཡི་གེ་མདོར་སྡུས་ཤིག་བྲིས་ནས། བསླབ་བྱ་རྣམས་ཐེག་པའི་ཕྱིར་སྐུལ་ལོ། ༢༣ སྤུན་ཏི་མོ་ཐེའུ་བཙོན་ནས་ལྷོད་པ་ཤེས་ཤིག ཁོ་མྱུར་དུ་བསླེབ་ན། ང་ཁོ་དང་མཉམ་དུ་ཁྱེད་ཚོའི་རྩར་འོང་བར་བྱའོ༎