དཀོན་མཆོག་དང་། མཱ་ཤི་ཀ་ཡེ་ཤུ་མངོན་སུམ་དུ་སྣང་ཞིང་རྒྱལ་སྲིད་མཛད་པའི་ཚེ་གསོན་གཤིན་གཉིས་པོའི་ཞལ་ཆེ་གཅོད་པར་འགྱུར་བ་ཁོང་དཔང་དུ་བཙུགས་ཏེ། ༢ དུས་སྐབས་ཡིན་མིན་ཐམས་ཅད་དུ་ངང་རིང་བ་དང་བསླབ་བྱའི་སྒོ་ནས་ནན་གྱིས་བཀའ་ཤོད་ཅིག གོ་བར་ཆུག་ཅིག སྐྱོན་སྟོན་ཅིག སློབ་ཅིག་ཅེས་ངས་ཁྱོད་ལ་སྐུལ་ལོ། ༣ མི་རྣམས་ཀྱིས་ཡང་དག་པའི་བསྟན་པ་མི་ཐེག་པར། རྣ་བ་གཡའ་བས། རང་རང་གི་འདོད་པ་བཞིན་དུ་སྟོན་པ་མང་པོ་སོག་འཇོག་བྱེད་ཅིང་། ༤ བདེན་པ་ལས་ལོག་ནས་སྒྲུངས་ཀྱི་ཕྱོགས་སུ་འགྲོ་བའི་དུས་བསླེབ་བོ། ༥ ཁྱོད་ནི་རྟག་ཏུ་བརྟན་པོར་སྡོད་ཅིག སྡུག་བསྔལ་བཟོད་ཅིག ཕྲིན་བཟང་ཤོད་ཅིག ཞབས་ཏོག་སྒྲུབས་ཤིག