སྤུན་རྣམས། མི་ཞིག་གིས་ཉེས་པ་བྱེད་ན། ཐུགས་ཉིད་དང་ལྡན་པ་ཁྱེད་ཀྱིས་འཇམ་པོའི་ངང་ནས་མི་དེ་ལམ་དྲང་པོར་ཁྲིད་ཅིག རང་ཡང་སླུ་བར་མི་འགྱུར་བའི་ཕྱིར་ཟོན་བྱོས་ཤིག ༢ གཅིག་གིས་གཅིག་གི་ཁུར་ཁུར་ཞིག དེ་ལྟར་མཱ་ཤི་ཀའི་བཀའ་ཁྲིམས་སྒྲུབ་བོ། ༣ མི་ཞིག་ཅིའང་མ་ཡིན་པར། རང་ཅི་ཞིག་ཡིན་སེམས་ན། རང་མགོ་སྐོར་རོ། ༤-༥ རེ་རེས་རང་གི་ལས་ལ་ལྟོས་ཤིག རེ་རེས་རང་གི་ཁུར་འཁུར་དགོས་པས་རང་རློམ་ན་མ་གཏོགས་གཞན་གྱི་མདུན་དུ་རློམ་པའི་རྒྱུ་མི་འདུག ༦ བཀའ་ཡི་སློབ་མས་བཟང་པོ་ཐམས་ཅད་སློབ་དཔོན་དང་མཉམ་བགོས་ཀྱིས་ཟོ་ཞིག ༧ རང་མགོ་རང་གིས་མ་སྐོར་ཞིག དཀོན་མཆོག་ནི་འཕྱ་བར་མི་རུང་། མིས་ཇི་བཏབ་པ་དེ་རྔ་བར་འགྱུར། ༨ སུས་བདག་འཛིན་འདེབས་ན། བདག་འཛིན་ནས་སྟོངས་པར་འགྱུར་བ་བརྙེད། སུས་ཐུགས་ཉིད་འདེབས་ན། ཐུགས་ཉིད་ནས་ཚེ་མཐའ་མེད་པ་བརྙེད། ༩ བཟང་པོ་བྱེད་པ་ལ་མ་ངལ་ཞིག ཐང་མི་ཆད་ན་དུས་ཀྱི་ཁར་འབྲས་བུ་བརྙེད་དོ། ༡༠ ད་ལྟ་སྐབས་ཡོད་པས། མི་ཐམས་ཅད་དང་ཁྱད་པར་དུ་དད་པའི་ཁྱིམ་ཚང་ལ་དགེ་བར་བྱོས་ཤིག