ཕན་ཐོགས་མེད་ཀྱང་ངོམ་དགོས་བྱུང་། གཙོ་བོའི་ཞལ་གཟིགས་དང་མངོན་དུ་བྱུང་བ་རྣམས་འཆད་དོ། ༢ ལོ་བཅུ་བཞིའི་སྔོན་དུ་ངས་ཤེས་པའི་མཱ་ཤི་ཀ་པ་ཞིག་ནམ་མཁའ་གསུམ་པའི་བར་དུ་ཡར་དྲངས་སོ། ཁོ་ལུས་དང་བཅས་པར་དྲངས་སམ་ལུས་མེད་པར་དྲངས་པ་ངས་མི་ཤེས་ཏེ། དཀོན་མཆོག་གིས་མཁྱེན་ནོ། ༣-༤ མི་དེ་བདེ་ཅན་ཞིང་དུ་དྲངས་ནས་བརྗོད་དུ་མེད་པ་དང་སྨྲ་མི་ཆོག་པའི་གསུང་ཐོས་པས་ངས་ཤེས་སོ། ལུས་དང་བཅས་པར་དྲངས་སམ་ལུས་མེད་པར་དྲངས་ངས་མི་ཤེས་ཏེ། དཀོན་མཆོག་གིས་མཁྱེན་ནོ། ༥ མི་དེའི་ཆེད་དུ་ངོམ་ཡང་ང་རང་གི་ཆེད་དུ་ངའི་སྟོབས་ཞན་པ་མ་གཏོགས་མི་ངོམ། ༦ གལ་ཏེ་ངོམ་པར་འདོད་ནའང་ངས་བདེན་པར་སྨྲ་བས་གླེན་པར་མི་འཛིན། འོན་ཀྱང་ཁྱེད་ཚོས་ང་ཇི་ལྟར་མཐོང་བ་དང་ཐོས་པ་ལས་ལྷག་པར་མི་རྩི་བའི་ཕྱིར་ངོམ་པ་སྤོང་ངོ་། ༧ མངོན་པར་འགྱུར་བ་མང་བའི་རྐྱེན་གྱིས་ང་རྒྱལ་མི་སྐྱེད་ཕྱིར། ང་ལ་རྡེག་པའི་བདུད་ཀྱི་བང་ཆེན་འདྲ་བའི། ཚེར་མ་ཞིག་ངའི་ལུས་ཀྱི་ནང་དུ་སྦྱིན་ནོ། ༨ དེ་ལས་འབྲལ་བའི་ཕྱིར་ངས་ལན་གསུམ་གཙོ་བོ་ལ་ཞུས་ཀྱང་ཁོང་གིས་ང་ལ། ༩ སྟོབས་མེད་ལ་ངའི་མཐུ་སྟོབས་རྒྱས་པས། ཁྱོད་ལ་ངའི་ཐུགས་རྗེ་ཡོད་པས་ཆོག་ཅེས་གསུངས་བྱུང་། ང་ལ་མཱ་ཤི་ཀའི་མཐུ་སྟོབས་གནས་པའི་ཕྱིར། ངའི་སྟོབས་མེད་རྣམས་དགའ་བཞིན་དུ་ལྷག་པར་ངོམ་མོ། ༡༠ ང་མཱ་ཤི་ཀའི་ཕྱིར་དུ་སྟོབས་མེད་པ་དང་། བརྙས་པ་དང་། དཀའ་ལས་དང་། འཚེ་བ་དང་། རྐྱེན་ངན་རྣམས་ལ་ཆོག་ཤེས་ཡོད་དོ། ཅི་ཕྱིར་ཞེ་ན། ང་སྟོབས་ཞན་པའི་ཚེ་སྟོབས་དང་ལྡན་ནོ༎