ཀྱི་ཧུད། དབྱར་ཁའི་ཤིང་ཏོག་བསྡུས་པའི་འོག་ཏུའམ། རྒུན་འབྲུམ་བཏུས་པའི་རྗེས་སུ། ཟ་བའི་ཕྱིར་རྒུན་གྱི་སྙེ་མ་མི་རྙེད་པ་དང་འདྲ་བར། ངའི་སེམས་ཀྱིས་འདོད་པའི་སེ་ཡབ་འགོ་ཚོས་གང་ཡང་མེད། ༢ ཆོས་དྲང་པོའི་མི་ནི་མི་ཡུལ་ལས་ཚར། མིའི་ནང་ན་དྲང་པོ་སུའང་མེད། དེ་དག་ཚང་མ་མི་གསད་དུ་འཇབ། མི་རེ་རེ་བཞིན་གྱིས་རྙི་བཙུག་ནས་རང་གི་སྤུན་འཛིན། ༣ ངན་པ་བྱེད་དུ་དེ་དག་གི་ལག་གཉིས་ཤོགས། དཔོན་པོས་རྔན་པ་རྩོད། ཁྲིམས་དཔོན་གྱིས་ཀྱང་དེ་བཞིན་འདོད། མི་ཆེན་གྱིས་རང་གི་སྙིང་གི་འདོད་པ་ངན་པའི་གཏམ་བྱེད། དེ་ལྟར་ངན་པའི་བཀད་འཛོམ་དུ་བཅུག ༤ དེ་དག་གི་བཟང་ཤོས་ནི་སེ་བ་དང་འདྲ། རྣམ་པར་དྲང་བ་ནི་ཚེར་མ་ལས་ཀྱང་རྣོའོ། ཁྱོད་ལ་ལྟ་མཁན་གྱི་ཞག་དང་། ཁྱོད་ལ་ལན་འཇལ་བའི་ཉི་མ་ལ་འབབ་ཀྱིན་འདུག ད་དེ་དག་གི་མགོ་འཐོམ་པར་འགྱུར་རོ། ༥ མཛའ་བོ་ལ་བློ་མ་ཐོད། སེམས་གཙང་མཁན་ལས་རེ་བ་མ་བྱེད། ཁའི་སྒོ་མོ་ནི་རང་གི་གཞོགས་སུ་ཉལ་བའི་ཆུང་མའི་མདུན་དུའང་ཚུམ་ཞིག ༦ དེ་ཅིའི་ཕྱིར་ཞེ་ན། བུས་ཕ་ལ་བརྙས་པར་བྱེད། བུ་མོས་མ་དང་མནའ་མས་སྒྱུག་མོ་ལ་རྒོལ། མིའི་དགྲ་བོ་ནི་དེ་རང་གི་ཁྱིམ་གྱི་མི་རྣམས་ཡིན་ནོ། ༧ འོན་ཀྱང་ངས་ཡ་ཧོ་ཝཱ་ལ་བལྟ་སྟེ། ངའི་སྒྲོལ་མཛད་ཀྱི་དཀོན་མཆོག་ལ་བསྒུག་པར་བྱ། ངའི་དཀོན་མཆོག་གིས་གསན་པར་འགྱུར། ༨ ཀྱེ་ངའི་དགྲ་བོ། ང་ལ་ཧབ་དགོད་མ་ཐོང་ཞིག ང་འགྱེལ་ནའང་ལང་བར་བྱ། མུན་པ་ལ་བསྡད་དུས་ཡ་ཧོ་ཝཱ་ངའི་འོད་དུ་འགྱུར་བར་འགྱུར། ༩ ཁོང་གིས་ངའི་ཕྱིར་ཁུངས་བསྐྱལ་ནས་ངའི་ཁྲིམས་ཐག་མ་བཅད་པའི་བར་དུ་ངས་ཡ་ཧོ་ཝཱའི་ཐུགས་ཁྲོ་སྲན་པར་བྱའོ། དེ་ཅིའི་ཕྱིར་ཞེ་ན། ངས་ཁོང་གི་དྲུང་དུ་སྡིག་པ་བྱས་པ་ཡིན་ནོ། ཁོང་གིས་ང་འོད་ཀྱི་ནང་དུ་དྲངས་ནས། ངས་ཁོང་གི་དྲང་བ་ཉིད་མཇལ་བར་བྱའོ། ༡༠ ངའི་དགྲ་བོས་དེ་མཐོང་ཞིང་། ང་ལ་ད་ཡ་ཧོ་ཝཱ་ཁྱོད་ཀྱི་དཀོན་མཆོག་གང་ན་ཡོད་སྨྲས་པ་དེ་ངོ་ཚས་གཡོག་པར་འགྱུར། ངའི་མིག་གིས་དེ་མཐོང་འོང་། ད་དེ་ནི་ལམ་སྲང་རྣམས་ཀྱི་འདམ་རྫབ་ལྟར་བརྫི་བར་འགྱུར།