ཡ་ཧོ་ཝཱས་འདི་སྐད་གསུང་། ནམ་མཁའ་ནི་ངའི་རྒྱལ་ཁྲི་དང་། ས་ངའི་ཞབས་སྟེགས་ལགས་པས་ན། ང་ལ་ཁྱོད་ཀྱིས་ཇི་ལྟར་བུའི་ཁྱིམ་ཞིག་རྩིག་པར་བྱ། ཡང་ན་གང་གནས་ངའི་བསྟི་གནས་སུ་འགྱུར་བར་རུང་། ༢ དེ་ཅིའི་ཕྱིར་ཞེ་ན། དངོས་པོ་འདི་དག་ཐམས་ཅད་ངའི་ཕྱག་གིས་བཀོད་པས། འདི་ཐམས་ཅད་བྱུང་བ་ཡིན་ནོ། ཞེས་ཡ་ཧོ་ཝཱས་གསུང་ངོ་། འོན་ཀྱང་དབུལ་ཞིང་སྙིང་ཆག་པོ་དང་། ངའི་བཀའ་ལུང་ལ་འདར་བའི་མི་དེ་ལ་ནི་ངས་གཟིགས་པར་བྱའོ། ༣ གླང་གསོད་པ་དེ་མི་གསོད་མཁན་དང་འདྲ། ལུ་གུ་མཆོད་པར་འབུལ་བ་དེ་ཁྱིའི་སྐེ་གཅོད་མཁན་དང་འདྲ། ཚོགས་འབུལ་བ་དེ་ཕག་གི་ཁྲག་འབུལ་བ་དང་འདྲ། བདུག་སྤོས་བདུག་པ་དེ་སྐུ་འདྲར་ཤིས་པ་བརྗོད་པ་དང་འདྲའོ། འོ་ན། དེ་དག་གིས་རེ་རང་གི་ལམ་འདམས་ཏེ། རང་གི་ཞེན་ལོག་རྣམས་ལ་སེམས་བསོད་པས། ༤ ད་ངས་ཀྱང་དེ་དག་གི་དཀའ་སྡུག་རྣམས་འདམས་ཏེ། དེ་དག་གི་འཇིགས་སྣང་རྣམས་དེའི་ཐོག་ཏུ་འབེབས་པར་བྱའོ། དེ་ཅིའི་ཕྱིར་ཞེ་ན། ངས་བོས་དུས་ཀྱང་ཨང་ལན་མ་བཏང་། ངས་གླེང་བའི་ཚེ་དེ་དག་གིས་མ་ཐོས། དེའི་སྟེང་དུ་དེ་དག་གིས་ངའི་སྤྱན་གྱི་མདུན་དུ་མི་དགེ་བ་ལ་སྤྱད་ཅིང་། ང་མི་དགའ་བའི་བྱ་བ་རྣམས་འདམས་སོ༎