ཅིའང་མ་འཛེམ་པར་ཀུ་ཐེག་ཅིག རྒྱ་དུང་ལྟ་བུར་སྒྲ་འདེགས་པར་བྱོས། ངའི་འབངས་ལ་དེ་དག་གི་མཚམས་མེད་པ་དང་། ཡ་ཀོབ་ཀྱི་ཁྱིམ་ལ་དེའི་ཉེས་སྐྱོན་རྣམས་སྟོན་ཞིག ༢ དྲང་བ་ཉིད་ལ་སྤྱད་པའི་རང་གི་དཀོན་མཆོག་གི་ཚུལ་ཁྲིམས་རྣམས་མ་དོར་བའི་མི་སྡེ་དང་འདྲ་བར། དེ་དག་གིས་ད་དུང་ཡང་ཉིན་རེ་བཞིན་ང་འཚོལ་ཞིང་། ངའི་ལམ་རྣམས་ངོ་འཕྲོད་དུ་འདོད། ང་ལས་ཁྲིམས་དྲང་པོའི་ཚུལ་ཁྲིམས་ཞུ། དཀོན་མཆོག་དང་ཉེ་རུ་དགའོ། ༣ དེ་དག་གིས། ངེད་ཅག་གི་སྨྱུང་གནས་བསྲུངས་ནའང་། ཁྱེད་ཀྱིས་ཅི་ལ་མི་མཐོང་། ངེད་ཅག་གིས་རང་གི་སྲོག་ལ་དཀའ་བ་སྤྱད་ནའང་། ཁྱེད་དེ་མི་ཤེས་སོ་ཟེར། ལྟོས་དང་། ཁྱོད་སྨྱུང་བའི་ཉིན་པར་རང་ལས་ནང་གཡེང་སྟེ། རང་གི་ལས་མི་ཀུན་ལ་ལས་མང་བྱེད་དུ་འཇུག ༤ ལྟོས་ཤིག དབྱེན་པ་དང་། འཁྲབ་པ་དང་། གདུག་པ་ཅན་གྱི་ཁུ་ཚུར་རྒྱབ་པའི་དོན་དུ་ཁྱོད་ཀྱིས་སྨྱུང་གནས་སྲུང་། ཁྱོད་ཅག་གི་སྒྲ་མཐོ་སར་ཐོས་མི་ནུས་པའི་དེ་རིང་དང་འདྲ་བའི་སྨྱུང་གནས་སྲུང་བའི་མི་རིགས་སོ། ༥ མིས་རང་སྲོག་ལ་དགའ་བ་སྤྱད་པའམ། འདམ་བུ་ལྟར་རང་གི་མགོ་དགུར་བ་དང་། རྩ་ཕད་དང་གོག་ཐལ་གྱི་སྟན་འདིང་བའི་ཞག་འདི་ང་མགུ་བའི་སྨྱུང་གནས་ཤིག་ཡིན་ནམ། འདི་ལ་ཁྱོད་ཀྱིས་སྨྱུང་གནས་དང་། ཡ་ཧོ་ཝཱའི་ཐུགས་སུ་འབྱོན་པའི་ཉིན་མོའོ་སྨྲ་བར་བྱའམ། ༦ སེམས་ངན་གྱི་ལྕགས་སྒྲོག་སྒྲོལ་བ་དང་། གཉའ་ཤིང་གི་བཀྱིག་ཐག་སྒྲོལ་བ་དང་། ཁ་དམན་དག་ཐར་དུ་འཇུག་པ་དང་། གཉའ་ཤིང་ཐམས་ཅད་གཅོག་པ་འདི་ནི་ང་མགུ་བའི་སྨྱུང་གནས་མ་ཡིན་ནམ། ༧ བཀྲེས་པར་རང་གི་ལྟོ་སྦྱིན་པ་དང་། འཁྱམ་པོ་དབུལ་པོ་རང་ཁྱིམ་དུ་འདྲེན་པ་དང་། གཅེར་བུ་ཞིག་མཐོང་བའི་ཚེ་དེ་ལ་གོས་སྐོན་པ་དང་། རང་གི་ཤ་ཁྲག་ལས་རང་གདོང་མི་སྦ་བ་ཡང་དེ་མིན་ནམ།