ད་ན་གཞོན་གྱི་ཞག་རྣམས་སུ་རང་གི་མཛད་པ་པོ་ཁོང་དྲན་པར་བྱོས། ནམ་ཞེ་ན། ངན་པའི་ཉི་མ་རྣམས་མ་འབབ་པའི་བར་དུའམ། ཁྱོད་ཀྱིས་ང་ལ་དགའ་ཚོར་གང་ཡང་མེད་དོ་ཟེར་བའི་ལོ་དེ་རྣམས་མ་བཅེར་བའི་བར་དུ། ༢ ཉི་མའམ། འོད་དམ། ཟླ་བའམ། སྐར་མ་རྣམས་མ་འགྲིབ་པར། སྤྲིན་རྣམས་ཆར་པའི་རྗེས་སུ་མ་འཁོར་བའི་བར་དུ། ༣ ཁང་པ་བསྲུང་མཁན་འདར་དུས་ཀྱི་ཞག་དང་། དཔའ་བོ་རྣམས་མགོ་དགུར་ཞིང་། རང་འཐག་མ་རྣམས་མི་ཉུང་བའི་རྐྱེན་གྱིས་ལས་མེད་དེ། དཀར་ཁུང་རྣམས་ལས་ཕར་ལྟ་བ་རྣམས་གནག་པར་གྱུར་ཏེ། ༤ ལམ་སྲང་གི་སྒོ་རྣམས་བཅད་དེ། རང་འཐག་གི་སྐད་ཉམས་ཏེ། བྱ་སྐད་ཀྱིས་མི་རྣམས་འདྲོག་ཅིང་། སྒྲ་སྙན་མ་ཐམས་ཅད་ཕབ་པའི་དུས་དང་། ༥ མི་རྣམས་མཐོན་པོར་འཇིག་སྟེ། ལམ་ལ་འཇིགས་སྐྲག་རྣམས་འོང་ཞིང་། བ་དམ་ཤིང་རྒྱས་པ་དང་། ཆ་ག་འབུས་རང་འདྲུད་ཅིང་། ཀབ་ར་རྣམས་ཡལ་བའི་དུས་ལའོ། དེ་ཅིའི་ཕྱིར་ཞེ་ན། མི་རང་གི་དུས་གཏན་གྱི་ཁྱིམ་དུ་འགྲོ་བས། མྱ་ངན་བྱེད་པ་རྣམས་ལམ་འགག་ན་རྒྱུ་བར་འགྱུར་རོ། ༦ ཡང་ན་དངུལ་གྱི་ཐག་པ་འགྲོལ་ཞིང་། གསེར་ཕོར་ཆག་ཅིང་། ཆུ་མིག་གི་རྩར་བུམ་པ་ཆག་ཅིང་། ཆུ་དོང་གི་རྩར་འཁོར་ལོ་འཇིག་པར་འགྱུར་བར་འགྱུར་རོ། ༧ དེ་ནས་སྔར་ཡོད་པ་ལྟར་དུ་ཐལ་བ་ནི་ཐལ་བར་ལོག སེམས་ཉིད་ནི་དེ་གནང་མཁན་གྱི་དཀོན་མཆོག་གི་དྲུང་དུ་ལོག་པར་འགྱུར་རོ༎