༢ ཡ་ཧོ་ཝཱའི་ཕྱིར་གདན་ས་ཡ་ཀོབ་ཀྱི། མཐུ་ལྡན་ཕྱིར་དུ་གུར་མཆོག་ཅིག་རྙེད་རིང་།

༣ བདེན་པར་རང་ཁང་གུར་ནང་མི་འཇུག་ཅིང་། ཉལ་ཁྲིའི་སྟེང་དུའང་ཉལ་དུ་མི་འགྲོ་ཞིང་།

༤ རང་གི་མིག་ལ་གཉིད་ཀྱང་ལོག་མི་འཇུག མིག་ལྤགས་ལ་ཡང་གཉིད་གཡུར་མི་འཇུག་ཅེས།

༥ ཡ་ཧོ་ཝཱ་ལ་མནའ་བསྐྱལ་ཡ་ཀོབ་ཀྱི། མཐུ་ལྡན་དྲུང་དུ་ཇི་ལྟར་དམ་བཅས་ལྟར།

༦ ལྟོས་ཨེབ་རད་དུ་ངེད་ཀྱིས་དེའི་གཏམ་ཐོས། ནགས་ཚལ་ཐང་དུ་དེ་དང་ངེད་ཕྲད་བྱུང་།

༧ ཁོང་གི་གུར་མཆོག་ནང་ངེད་འཇུག་བྱ་ཞིང་། ཁོང་གི་ཞབས་སྟེགས་དྲུང་དུ་ཕྱག་འཚལ་བྱ།

༨ ཁྱེད་ཀྱི་མཐུ་སྟོབས་སྒྲོམ་བཅས་ཀྱེ་ཡཱ་ཝཱེ། བཞེངས་ཤིང་ཉིད་ཀྱི་གདན་སར་བཞུགས་པར་མཛོད།

༩ ཁྱེད་ཀྱི་བླ་མས་དྲང་བ་ཉིད་གྱོན་ཞིང་། དམ་པས་དགའ་མགུར་ཀུ་སྒྲ་འདེགས་པར་ཤོག

༡༠ ཁྱེད་ཀྱི་བྲན་པོ་དཱ་བིད་དོན་ཁྱེད་ཀྱི། བྱུགས་པའི་མིའི་ངོ་མ་ཟློག་པར་བདེན་པར།

༡༡ ཡཱ་ཝཱེས་དཱ་བིད་ལ་ནི་དབུ་མནའ་བཞེས། དེ་ལས་མི་འགལ་ཁྱོད་ཀྱི་ཁྲི་ཐོག་ཏུ། ཁྱོད་ཀྱི་བུ་ཞིག་ཁོ་བོས་འཇོག་པར་བྱ།

༡༢ ཁྱོད་ཀྱི་བུ་ཚོས་ང་ཡི་ཞལ་ཆད་སྲུང་། ངས་བསླབ་དཔང་མཛད་སྲུང་ན་དེ་ཚོ་ཡང་། ཁྱོད་ཀྱི་ཁྲི་ཐོག་དུས་རྒྱུན་འཁོད་འོང་གསུངས།

༡༣ ཅི་ལ་ཞེ་ན་ཡཱ་ཝཱེས་ཙི་ཨོན་འདམས། དེ་ནི་ཁོང་གི་གདན་སར་འགྱུར་ཕྱིར་འདམས།

༡༤ གཏན་གྱི་ཕྱིར་དུ་འདི་ངའི་བསྟི་གནས་ཡིན། ངས་འདི་འདམས་པས་འདིར་ང་བཞུགས་པར་བྱ།

༡༥ དེ་ཡི་ཟ་རྒྱུར་བྱིན་རླབས་མང་གནང་ཞིང་། དེ་ཡི་དབུལ་ཕོངས་ཟས་ཀྱིས་ཚིམ་པར་བྱ།

༡༦ དེ་ཡི་བླ་ཚོར་སྐྱབས་ནི་སྐོན་པར་བྱ། དེ་ཡི་དམ་པས་དགའ་མགུས་ཀུ་འདེགས་འོང་།

༡༧ དཱ་བིད་ཕྱིར་དེར་རྭ་ཞིག་སྐྱེར་འཇུག་ཅིང་། ང་ཡི་བྱུགས་པའི་ཕྱིར་དུ་མར་མེ་བསྒྲིགས།

༡༨ ངས་དེའི་དགྲ་ཚོར་ངོ་ཚ་སྐོན་བྱ་ཡང་། དེའི་ཐོག་ཅོད་པན་ལྷག་གེར་ཡོད་པར་འགྱུར༎