གསུང་མགུར་གྱི་མདོ་བཞི་པ།
དཀོན་མཆོག་གི་སྐྱེས་བུ་མོ་ཤེའི་གསོལ་འདེབས་ནི།
༩༠
ཀྱེ་གཙོ་བོ་མི་རབས་ནས་མི་རབས་སུ། ངེད་ཀྱི་སྐྱབས་གནས་ཁྱེད་ཉིད་ནི་ཡོད་པ་ཡིན།༢ རི་མ་སྐྱེས་སྔོན་དུའམ་ས་ཆེན་དང་། འཇིག་རྟེན་ནི་ཁྱེད་ཉིད་ཀྱིས་མ་བཀོད་གོང་། ཐོག་མ་ནས་མཐའ་མར་ཁྱེད་དཀོན་མཆོག་ལགས།
༣ ཁྱེད་ཀྱིས་མི་ཐལ་བ་རུ་འགྱུར་འཇུག་མཛད། ཡང་ཀྱེ་མིའི་བུ་གུ་རྣམས་ལོག་ཤོག་གསུང་།
༤ ཁྱེད་གཟིགས་ངོར་ལོ་ངོ་ནི་སྟོང་ཕྲག་ཅིག འདས་པའི་མདང་མཚན་གྱི་ཐུན་གཅིག་འདྲ།
༥ ཆུ་ལོག་གིས་ཁྱེར་བ་འདྲར་ཁྱེད་དེ་རྣམས། ཁྱེར་མཛད་པས་དེ་རྣམས་ནི་གཉིད་ཐུམ་འདྲ། དེ་སྔ་དྲོར་སྐྱེས་པ་ཡི་རྩྭ་དང་འདྲ།
༦ དེ་སྔ་དྲོར་སྔོ་འབོལ་ཞིང་ཆེར་སྐྱེ་སྟེ། དེ་ཕྱི་དྲོ་བཅད་གྱུར་ནས་རྙིད་ན་འགྲོ།
༧ ཁྱེད་ཐུགས་ཁྲོས་རྐྱེན་བྱས་ཏེ་ངེད་རྣམས་རྫོགས། ཁྱེད་ཁོང་ཁྲོས་ངེད་ཅག་ནི་མནར་དུ་བཅུག
༨ ཁྱེད་ངེད་ཀྱི་ལས་ངན་རྣམས་ཞལ་ངོར་བཞག སྦས་སྡིག་རྣམས་ཞལ་རས་ཀྱི་འོད་ནང་བཞག
༩ ཁྱེད་ཐུགས་ཁྲོའི་ནང་ངེད་ཀྱི་ཚེ་གང་འདས། ངེད་མི་ཚེ་ཤུགས་ནར་ཞིག་ལྟ་བུར་འདས།
༡༠ ངེད་རང་གི་ཚེའི་ལོ་གྲངས་བདུན་ཅུའམ། རེམ་གྱུར་ན་བརྒྱད་ཅུ་ཡི་བར་དུ་འཚོ། དེ་ཡང་ནི་མྱུར་འགྲོ་ཞིང་ངེད་འཕུར་འགྲོ། དཀའ་ལས་དང་སྡུག་བསྔལ་ལས་དེའི་དཔལ་ཅི།
༡༡ ཁྱེད་ལ་འཇིགས་འོས་བཞིན་ཁྱེད་ཐུགས་ཁྲོ་དང་། ཁྱེད་ཐུགས་ཁྲོའི་མཐུ་སྟོབས་ནི་སུ་ཡིས་ཤེས།
༡༢ ཤེས་རབ་ཀྱི་སྙིང་ངེད་ལ་ཐོབ་པའི་ཕྱིར། ངེད་ཅག་ལ་རང་གི་ཞག་རྩི་གྲངས་སློབ།
༡༣ ཀྱེ་ཡཱ་ཝཱེ་མ་འགོར་བར་ཚུར་གདན་འཁོར། ཁྱེད་ཉིད་ཀྱི་བྲན་རྣམས་ཕྱིར་ཐུགས་འགྱོད་ཤོག
༡༤ ངེད་ཚེ་གང་དགའ་འགྱུར་ཞིང་སྐྱིད་པའི་ཕྱིར། སྔ་དྲོ་དེ་ཁྱེད་ཐུགས་རྗེས་ངེད་ཚིམ་ཆུག
༡༥ ཞག་ཅི་ཙམ་ངེད་རྣམས་ལ་སྡུག་བསྔལ་བསྟེར། ལོ་ཅི་ཙམ་ངེད་རྣམས་ཀྱིས་སྡུག་བསྔལ་མཐོང་། དེ་ཙམ་གྱི་ངེད་རྣམས་ལ་སྐྱིད་པོ་གནོང་།
༡༦ ཁྱེད་མཛད་པ་ཁྱེད་བྲན་དང་དེ་ཚོ་ཡི། བུ་རྣམས་ལ་ཁྱེད་ཀྱི་ནི་གཟི་བྱིན་སྟོན།
༡༧ ངེད་ཐམས་ཅད་ཀྱི་དཀོན་མཆོག་གཙོ་བོ་ཡི། བྱམས་བརྩེ་ནི་ངེད་སྟེང་དུ་བཞུགས་པར་ཤོག ངེད་ཀྱི་ཕྱིར་ངེད་ལག་ལས་འཇགས་འཇུག་མཛོད། འོ་ན་ངེད་ལག་ལས་རྣམས་འཇགས་འཇུག་མཛོད༎