གཞན་ཡང་ཁོང་གིས་ར་གན་གྱི་མཆོད་ཁྲི་རིང་ཁྱད་ཁྲུ་ཉི་ཤུ་དང་། ཞེང་ཁྱད་ཁྲུ་ཉི་ཤུ་དང་། མཐོ་ཁྱད་ཁྲུ་བཅུ་ཡོད་པ་ཞིག་བཟོས། ༢ ཡང་བླུགས་མའི་རྒྱ་མཚོ་ཀྱིར་ཀྱིར། ཟུར་གཅིག་ནས་གཞན་ཟུར་གྱི་བར་ཞེང་ཁྲུ་བཅུ་ཡོད་པ། མཐོ་ཁྱད་ཁྲུ་ལྔ་དང་། འཁོར་དུ་ཐིག་སྐུད་ཁྲུ་སུམ་ཅུས་འཐེབས་པ་ཞིག་བཟོས། ༣ དེའི་འོག་ཏུ་ཀྱིར་འཁོར་ནས་གླང་གི་གཟུགས་བརྙན་ཁྲུ་བཅུ་ཡིས་འཐེབས་སོ། དེ་བླུགས་སུ་བཏང་དུས་སུ་གླང་རྣམས་གྲལ་གཉིས་སུ་བླུགས་པ་ཡིན། ༤ རྒྱ་མཚོ་དེ་གླང་ཏོ་བཅུ་གཉིས་ཀྱི་ཐོག་ཏུ་བཀལ་ཏེ། གསུམ་གྱི་གདོང་བྱང་དང་། གསུམ་གྱི་གདོང་ནུབ་དང་། གསུམ་གྱི་གདོང་ལྷོ་དང་། གསུམ་གྱི་གདོང་ཤར་དུ་ཡོད་དེ། དེ་དག་གི་ཁར་རྒྱ་མཚོ་བཀལ་ཏེ། དེ་དག་གི་སྨད་ཐམས་ཅད་ནང་ཁུག་ཏུ་ཡོད་པ་ཡིན། ༥ དེའི་སྲབ་ཐུག་སོར་བཞི་དང་། ཟུར་ནི་ཕོར་པའི་ཟུར་ལྟར་དང་། པད་འདབ་ལྟར་བཟོས་ཏེ། དེའི་ནང་དུ་ཆུ་བེན་སྟོང་གསུམ་ཆུད་པ་ཡིན། ༦ ཡང་གཞོང་པ་བཅུ་བཟོས་ཏེ། འཁྲུད་པ་ལ་གཡས་སུ་ལྔ་དང་། གཡོན་དུ་ལྔ་བཞག དེ་དག་གི་ནང་དུ་སྦྱིན་སྲེག་ལ་མཆོད་བྱ་རྣམས་བཀྲུས་ཏེ། རྒྱ་མཚོ་དེ་ནི་བླ་མ་རྣམས་འཁྲུད་པའི་ཕྱིར་ཡོད་པ་ཡིན།