༡༡ ཡང་ཤུ་ཧ་ཡི་སྤུན་ཁེ་ལུབ་ནས་མེ་ཧིར་ཆད་དོ། དེ་ནི་ཨེས་ཏོན་གྱི་ཕ་ཡིན། ༡༢ ཨེས་ཏོན་ནས་བེད་ར་ཕཱ་དང་། པཱ་ཤེ་ཨ་དང་། ཏེ་ཧིན་ནཱ་དང་གསུམ་ཆད་དོ། ཏེ་ཧིན་ནཱ་ནི་ཨིར་ན་ཧས་ཀྱི་ཕ་དང་། དེ་ཐམས་ཅད་ནི་རེ་ཀཱ་ཡི་བརྒྱུད་དོ། ༡༣ ཡང་ཁེ་ནཱས་ཀྱི་བུ་ནི། ཨོད་ནི་ཨེལ་དང་། སེ་ར་ཡཱ་དང་གཉིས་སོ། ཨོད་ནི་ཨེལ་གྱི་བུ་ཧ་ཐད་བྱ་བའོ། ༡༤ མེ་ཨོ་ནོ་ཐཱ་ཨི་ནས་ཨོབ་རཱ་དང་། སེ་ར་ཡཱ་ནས་ཡོ་ཨབ་ཆད་དོ། དེ་ནི་གེ་ཧ་རཱ་ཤིམ་ཞེས་བྱ་བའི་ལག་ཤེས་རྣམས་ཀྱི་ཕ་ཡིན། ༡༥ ཡང་ཡེ་ཕུན་ནེ་ཡི་བུ་ཀ་ལེབ། ཀ་ལེབ་ཀྱི་བུ་ནི་ཨི་རུ་དང་། ཨེ་ལཱ་དང་། ནཱ་ཨམ་དང་། ཨེ་ལཱ་ཡི་བུ་རྣམས་དང་། ཁེ་ནཱས་རྣམས་སོ། ༡༦ ཡང་ཡེ་ཧལ་ལེལ་ཨེལ་གྱི་བུ་ནི། སིབ་དང་ཟི་ཕཱ་དང་། ཏིར་ཡཱ་དང་། ཨ་སར་ཨེལ་དང་བཞིའོ། ༡༧ ཡང་ཨེས་རཱ་ཡི་བུ་ནི་ཡེ་ཐེར་དང་། མེ་རེད་དང་། ཨེ་ཕེར་དང་། ཡ་ལོན་དང་བཞིའོ། ཡང་མེ་རེད་ཀྱི་ཆུང་མ་བིད་ཡཱ་བྱ་བ་ཕར་ཨོ་ཡི་སྲས་མོ་དེ་ལས་མིར་ཡམ་དང་། ཤམ་མཱ་ཨི་དང་། ཨེས་ཏེ་མོ་ཨ་ཡི་ཕ་ཨིས་བཱ་དང་གསུམ་ཆད་དོ། ༡༨ ཡང་མེ་རེད་ལ་ཆུང་མ་ཡ་ཧུ་དཱ་མ་ཞིག་ཡོད་པ་ཡིན། དེ་ལས་གེ་དོར་གྱི་ཕ་ཡེ་རེད་དང་། སོ་ཀོ་ཡི་ཕ་ཧེ་བེར་དང་། ཟ་ནོ་ཨ་ཡི་ཕ་ཡེ་ཀུ་ཐི་ཨེལ་དང་གསུམ་ཆད་དོ། ༡༩ ཧོ་དི་ཡཱ་ཡི་ཆུང་མ་ནི་ན་ཧམ་གྱི་སྲིང་མོ་ཡོད་པ་ཡིན། དེ་ལས་ཀེ་ཨི་ལཱ་ཡི་ཕ་གར་མིད་པ་བྱ་བ་དང་། མ་ཨ་ཀད་པ་ཨེས་ཏེ་མོ་ཨ་བྱ་བ་དང་གཉིས་ཆད་དོ། ༢༠ ཡང་ཤི་མོན་གྱི་བུ་ནི་ཨམ་ནོན་དང་། རིན་ནཱ་དང་། བེན་ཧ་ནན་དང་། ཏི་ལོན་དང་བཞིའོ། ཡང་ཡི་ཤེ་ཨི་བུ་ནི་ཟོ་ཧེད་དང་། བེན་ཟོ་ཧེད་དང་གཉིས་སོ༎

༢༡ ཡང་ཡ་ཧུ་དཱའི་བུ་ཤེ་ལཱ་ཡི་བརྒྱུད་ནི། ལེ་ཀཱ་ཡི་ཕ་ཨེར་བྱ་བ་དང་། མ་རེ་ཤཱ་ཡི་ཕ་ལ་ཨ་དཱ་དང་། ཨས་བེ་ཨ་ཡི་བརྒྱུད་ཀྱི་རས་ཐག་མཁན་རྣམས་སོ། ༢༢ དེ་མ་ཟད། ཡོ་ཀིམ་དང་། ཀོ་ཟེ་བཱ་ཡི་མི་རྣམས་དང་། ཡོ་ཨས་དང་། སཱ་རབ་དང་། ཡ་ཤུ་བི་ལེ་ཧེམ་རྣམས་སོ། དེ་དག་གིས་མོ་ཨབ་ལ་དབང་བྱས་སོ། འདི་ནི་སྔར་གྱི་རྒྱལ་རབས་སོ། ༢༣ དེ་རྣམས་རྫ་མཁན་ཡིན་ཏེ། ནེ་ཏ་ཨིམ་དང་གེ་དེ་རཱ་ཡུལ་དུ་གནས་ཏེ། རྒྱལ་པོའི་ལས་བྱེད་པའི་ཕྱིར་རྒྱལ་པོ་དང་མཉམ་དུ་བསྡད་དོ༎

༢༤ ཤིམ་ཨོན་གྱི་བུ་ནི་ནེ་མུ་ཨེལ་དང་། ཡ་མིན་དང་། ཡ་རིབ་དང་། སེ་རག་དང་། ཤ་ཨུལ་དང་ལྔའོ། ༢༥ ཤ་ཨུལ་གྱི་བུ་ཤལ་ལུམ། དེའི་བུ་མིབ་སམ། དེའི་བུ་མིས་མཱ། ༢༦ ཡང་མིས་མཱ་ཡི་བརྒྱུད་ནི། ཁོའི་བུ་ཧམ་མུ་ཨེལ། དེའི་བུ་ཟག་ཀུར། དེའི་བུ་ཤི་མེ་ཨི། ༢༧ ཤི་མེ་ཨི་ལས་བུ་བཅུ་དྲུག་དང་བུ་མོ་དྲུག་ཡོད་པ་ཡིན་ཀྱང་། དེའི་སྤུན་རྣམས་ལ་བུ་མང་པོ་མེད་པས། དེ་དག་ཡ་ཧུ་དཱ་པའི་བུ་བརྒྱུད་ལྟར་མ་འཕེལ་ལོ། ༢༨ དེ་རྣམས་བེ་ཨེར་ཤེ་བཱ་དང་། མོ་ལ་དཱ་དང་། ཧ་ཚར་ཤུ་ཨལ་དང་། ༢༩ བིལ་ཧཱ་དང་། ཨེ་ཚེམ་དང་ཏོ་ལད་དང་། ༣༠ བེ་ཐུ་ཨེལ་དང་། ཧོར་མཱ་དང་། ཙིག་ལག་དང་། ༣༡ བེད་མར་ཁ་བོད་དང་། ཧ་ཚར་སུ་སཱ་དང་། བེད་བི་རི་དང་། ཤ་ཨ་རཱ་ཨིམ་དུ་བསྡད་དོ། ཡུལ་དེ་རྣམས་ནི་རྒྱལ་པོ་དཱ་བིད་ཀྱི་དུས་ཀྱི་བར་དུ་དེ་དག་གི་གྲོང་ཁྱེར་ཡོད་པ་ཡིན། ༣༢ ཡང་དེ་དག་གི་གྲོང་ཚོ་ནི། ཨེ་ཏམ་དང་། ཨ་ཨིན་དང་། རིམ་མོན་དང་། ཏོ་ཁེན་དང་། ཨ་ཤན་དང་། གྲོང་ཁྱེར་ལྔའོ། ༣༣ ཡང་བ་ཨཱལ་ཟེར་བའི་བར་དུ་གྲོང་ཁྱེར་དེ་ཚོ་ལ་གཏོགས་པའི་ཡུལ་ཆུང་ཐམས་ཅད་ནི་དེ་དག་སྡོད་སའི་གནས་ཡོད་པ་ཡིན། དེ་དག་ལ་ཡང་རང་གི་ཇོ་རབས་ཀྱི་དཔེ་ཆ་ཞིག་ཡོད་པ་ཡིན།

༣༤ ཡང་མེ་ཤོ་བཱབ་དང་། ཡམ་ལེག་དང་། ཨ་མ་ཙི་ཡཱའི་བུ་ཡོ་ཤཱ་དང་། ༣༥ ཡོ་ཨེལ་དང་། ཡོ་ཤིབ་ཡཱའི་བུ་ཡེ་ཧུ། ཡོ་ཤིབ་ཡཱ་ནི་སེ་ར་ཡཱ་ཡི་བུ། དེ་ནི་ཨ་སི་ཨེལ་གྱི་བུའོ། ༣༦ ཡང་ཨེལ་ཡོ་ཨེ་ནཱ་ཨི་དང་། ཡ་ཨ་ཀོ་བཱ་དང་། ཡེ་ཤོ་ཧ་ཡཱ་དང་། ཨ་ས་ཡཱ་དང་། ཨ་དི་ཨེལ་དང་། ཡེ་སི་མི་ཨེལ་དང་། བེ་ནཱ་ཡཱ་དང་། ༣༧ ཤི་ཕི་ཡི་བུ་ཟི་ཟཱའོ། ཤི་ཕི་ནི་ཨལ་ལོན་གྱི་བུ། དེ་ནི་ཡེ་ད་ཡཱའི་བུ། དེ་ནི་ཤིམ་རིའི་བུ། དེ་ནི་ཤེ་མ་ཡཱའི་བུ་ཡོད་པ་ཡིན་ནོ། ༣༨ གོང་བརྗོད་ཀྱི་མིང་རྣམས་ནི་རང་གི་ཕ་བརྒྱུད་ཀྱི་ཁྲོད་དུ་རྗེ་དཔོན་ཡིན་ཏེ། དེ་དག་གི་ཕ་མེས་ཀྱི་བརྒྱུད་ཤིན་ཏུ་མང་པོ་འཕེལ་ལོ། ༣༩ དེ་དག་རང་གི་ར་ལུག་གི་དོན་དུ་རྩྭ་ཁ་འཚོལ་དུ། གེ་དོར་བྱ་བའི་ཤར་ཕྱོགས་ཀྱི་ལུང་པའི་བར་དུ་ཕྱིན་ཏོ། ༤༠ དེར་དེ་དག་ལ་རྩྭ་ཁ་ཧ་ཅང་བཟང་པོ་དང་། རྒྱ་ཆེན་པོའི་ཡུལ་དང་སྐྱིད་པོ་ཡང་བརྙེད་དོ། དེ་ཅིའི་ཕྱིར་ཞེ་ན། དེ་དག་གི་སྔོན་དུ་དེར་བསྡད་པ་རྣམས་ནི་ཧམ་གྱི་བརྒྱུད་ཡོད་པ་ཡིན། ༤༡ ཡང་འདིར་མིང་བྲིས་པ་རྣམས་ནི་ཡ་ཧུ་དཱའི་རྒྱལ་པོ་ཧིས་ཀི་ཡཱའི་དུས་སུ་འོངས་ཏེ། དེར་བརྙེད་པའི་གུར་རྣམས་བཤིག་ནས། མེ་ཨུན་པ་རྣམས་བསད་དེ། དེ་རིང་གི་ཉིན་མོའི་བར་དུ་དེ་རྣམས་བསྐྲད་དེ། དེ་རུ་གནས་སོ། དེ་ཅིའི་ཕྱིར་ཞེ་ན། རང་གི་ལུག་ཁྱུ་རྣམས་ཀྱི་རྩྭ་ཁའི་དོན་དུ་དེ་དག་དེར་གནས་སོ། ༤༢ ཡང་ཤིམ་ཨོན་གྱི་བུ་བརྒྱུད་ནས་མི་ལྔ་བརྒྱ་ནི་སེ་ཨིར་བྱ་བའི་རི་ལ་ཕྱིན་ཏོ། དེ་དག་གི་ཐོག་ཏུ་ཡི་ཤེ་ཨི་བརྒྱུད་ནས་པེ་ལད་ཡཱ་དང་། ནེ་ཨར་ཡཱ་དང་། རེ་ཕ་ཡཱ་དང་། ཨུ་ཟི་ཨེལ་དང་བཞི་དམག་དཔོན་དུ་བསྐོས་སོ། ༤༣ ཡང་ཐར་ནས་ལུས་པའི་ཨ་མ་ལེག་པ་རྣམས་བསད་ནས། དེ་དག་དེར་གནས་སོ། དེ་རིང་གི་ཉིན་མོའི་བར་དུ་དེ་དག་དེར་གནས་སོ༎