༨ དེ་དག་གིས། ཨིས་ར་ཨེལ་གྱི་སྡེ་རྣམས་ཀྱི་ཁྲོད་ནས་མིས་པཱ་རུ་ཡ་ཧོ་ཝཱའི་དྲུང་དུ་མ་འོངས་མཁན་སུ་ཡིན་འདྲིས་པས། ཀྱེ་ཧོ། ཡ་བེས་གིལ་ཨད་ནས་སུ་ཞིག་ཀྱང་དམག་སྒར་དུ་མི་ཚོགས་ཀྱི་ཁྲོད་དུ་མ་འོངས་སོ། ༩ དེར་མི་རྣམས་བགྲང་རྒྱབ་ནས། ཀྱེ་ཧོ། ཡ་བེས་གིལ་ཨད་ཀྱི་ཡུལ་མི་རྣམས་ནས་གཅིག་ཀྱང་དེར་མ་བརྙེད་དོ། ༡༠ དེ་ནས་མི་ཚོགས་ཀྱིས་མི་རྩལ་ཅན་སྟོང་བཅུ་གཉིས་དེར་བཏང་ཞིང་དེ་དག་ལ། ཁྱོད་ཅག་སོང་ལ། ཡ་བེས་གིལ་ཨད་ཀྱི་ཡུལ་མི་རྣམས་བུད་མེད་དང་བྱིས་པ་རྣམས་དང་བཅས་ཏེ་རལ་གྲིས་སོད་ཅིག ༡༡ ཡང་ཁྱོད་ཅག་གིས་འདི་ལྟར་བྱེད་དགོས། སྐྱེས་པ་རེ་རེ་དང་བུད་མེད་སྐྱེས་པ་དང་ཉལ་མཁན་རེ་རེ་ཡོངས་སུ་མེད་པར་བྱོས་ཤིག་ཅེས་བསྐུལ་ཏོ། ༡༢ དེ་ནས་དེ་དག་ལ་ཡ་བེས་གིལ་ཨད་ཀྱི་ཡུལ་མི་རྣམས་ཀྱི་ཁྲོད་དུ་སྐྱེས་པ་མི་ཤེས་པ་དང་སུ་དང་མཉམ་དུ་མ་ཉལ་བའི་བུད་མེད་ན་ཆུང་བཞི་བརྒྱ་བརྙེད་དེ། དེ་དག་ནི་ཀ་ན་ཨན་གྱི་ཡུལ་ན་ཡོད་པའི་ཤི་ལོ་རུ་དམག་སྒར་དུ་ཁྲིད་དོ༎

༡༣ དེ་ནས་མི་ཚོགས་ཀྱིས་མི་འགའ་ཞིག་བཏང་ཞིང་། རིམ་མོན་གྱི་བྲག་ཁྲོད་དུ་གནས་པའི་བེན་ཡ་མིན་གྱི་བུ་རྣམས་ལ་གཏམ་ལབ་པ་དང་། ཞི་བདེ་བར་འབོད་དུ་བཏང་བས། ༡༤ དེའི་ཚེ་བེན་ཡ་མིན་ལོག་འོངས་པ་དང་། དེ་དག་གིས་ཁོ་རྣམས་ལ་ཡ་བེས་གིལ་ཨད་ཀྱི་བུད་མེད་རྣམས་ལས་གསོན་ཏེ་ལུས་པ་རྣམས་ནི་ཆུང་མར་བཏང་ཡང་། དེ་དག་ཁོ་རྣམས་ཀྱི་དོན་དུ་མ་ཆོག་གོ། ༡༥ ཡ་ཧོ་ཝཱས་ཨིས་ར་ཨེལ་གྱི་སྡེ་རྣམས་ཀྱི་ནང་དུ་བར་ཆད་འབྱུང་བར་མཛད་པས། མི་རྣམས་ཀྱིས་བེན་ཡ་མིན་གྱི་ཕྱིར་འགྱོད་པ་བྱས་སོ༎

༡༦ དེ་ནས་མི་ཚོགས་ཀྱི་རྒན་པོ་རྣམས་ན་རེ། བེན་ཡ་མིན་གྱི་ཁྲོད་ནས་བུད་མེད་མེད་པར་བྱས་ནས། ངེད་ཀྱིས་ལུས་པ་རྣམས་ཀྱི་དོན་དུ་ཆུང་མའི་ཕྱིར་ཅི་བྱ། ཞེས་འདྲིས་སོ། ༡༧ དེའི་ལན་དུ་དེ་དག་གིས། ཨིས་ར་ཨེལ་ནས་སྡེ་ཅིག་མེད་པར་མི་འགྲོ་བའི་ཕྱིར། བེན་ཡ་མིན་ནས་ལུས་པ་རྣམས་ལ་ནོར་སྐལ་ཞིག་འཇོག་པར་རུང་ངོ་། ༡༨ ངེད་ཀྱིས་རང་གི་བུ་མོ་རྣམས་ལས་གཅིག་ཀྱང་དེ་དག་ལ་ཆུང་མར་གཏོང་མི་ཆོག ཅི་ལ་ཞེ་ན། ཨིས་ར་ཨེལ་གྱི་བུ་རྣམས་ཀྱིས་འདི་སྐད་དུ། བེན་ཡ་མིན་པ་ལ་ཆུང་མ་གཏོང་མཁན་དེ་ནི་བཀྲ་མི་ཤིས། ཤེས་སྨྲས་ཏེ། མནའ་བསྐྱལ་བ་ཡིན། ༡༩ དེ་ནས་དེ་དག་གིས། ལྟོས་ཤིག ཤི་ལོ་རུ་ལོ་རེ་བཞིན་ཡ་ཧོ་ཝཱའི་དུས་ཆེན་ཞིག་ཡོད། དེ་ནི་བེད་ཨེལ་གྱི་བྱང་ཕྱོགས་དང་། བེད་ཨེལ་ནས་སི་ཀེམ་དུ་ཡར་འགྲོ་བའི་རྒྱ་ལམ་གྱི་ཤར་ཕྱོགས་དང་། ལེ་བོ་ནཱ་ཡི་ལྷོ་ཕྱོགས་སུ་ཡོད་དོ་ཞེས་སྨྲས་ནས། ༢༠ དེ་དག་གིས་བེན་ཡ་མིན་གྱི་བུ་རྣམས་ལ། སོང་ལ། རྒུན་ཚལ་རྣམས་ཀྱི་ནང་ན་འཇབ་སྡོད་ཅིག ༢༡ ཡང་ལྟོས་ཤིག ཀྱེ་ཧོ། ཤི་ལོའི་བུ་མོ་རྣམས་གར་རྩེ་གིན་ཕྱིར་འཐོན་པའི་ཚེ། ཁྱོད་ཅག་ནི་རྒུན་ཚལ་རྣམས་ནས་འཐོན་ཏེ། ཤི་ལོའི་བུ་མོ་རྣམས་ལས་རེ་རེ་རང་རང་གི་ཕྱིར་ཆུང་མར་བཟུང་ནས། བེན་ཡ་མིན་གྱི་ཡུལ་དུ་སོང་ཞིག ༢༢ ཡང་འདི་ལྟར་འབྱུང་ཡོང་། དེ་དག་གི་ཕ་རྣམས་སམ་སྤུན་རྣམས་ང་ཚོའི་རྩར་ཕྲ་མ་བྱེད་དུ་འོང་ན། ང་ཚོས་དེ་རྣམས་ལ། ཐུགས་རྗེ་གཟིགས་ཏེ་དེ་དག་ང་ཅག་ལ་གནོང་ཞིག ཅི་ལ་ཞེ་ན། ང་ཚོས་དམག་གི་སྐབས་སུ་མི་རེ་རེའི་ཕྱིར་ཆུང་མ་རེ་བཞག་པ་མ་ཡིན། མ་ཟད། ཁྱོད་རྣམས་ཀྱིས་དེ་དག་ཁོ་ཀུན་ལ་བཏང་བ་མ་ཡིན། དེ་མིན། ཁྱོད་རྣམས་ནོངས་ཅན་དུ་འགྱུར་བ་ཡིན། ཟེར་བར་བྱ་ཞེས་བསྐུལ་ཏོ། ༢༣ བེན་ཡ་མིན་གྱི་བུ་རྣམས་ཀྱིས་དེ་བཞིན་དུ་བྱས་ཏེ། རང་གི་གྲངས་བཞིན་དུ་གར་རྩེས་མཁན་རྣམས་ལས་བཟུང་ནས། ཆུང་མར་བླངས་སོ། དེ་ནས་དེ་དག་རང་གི་ས་སྐལ་གྱི་གནས་སུ་ལོག་སོང་ནས། གྲོང་ཁྱེར་རྣམས་ཞིག་གསོས་བྱས་ཏེ། ནང་དུ་གནས་སོ། ༢༤ དུས་དེ་ལ་ཨིས་ར་ཨེལ་གྱི་བུ་རྣམས་རང་རང་གི་སྡེ་དང་བརྒྱུད་ཀྱི་རྩར་སོང་སྟེ། དེ་ནས་འཐོན་ཏེ་རང་རང་གི་ས་སྐལ་གྱི་གནས་སུ་ཕྱིན་ཏོ༎

༢༥ དེའི་ཚེ་ཨིས་ར་ཨེལ་གྱི་ནང་དུ་རྒྱལ་པོ་མེད་པས། མི་རེ་རེས་རང་གི་མིག་གི་མདུན་དུ་བཟང་པོ་གང་ཡིན་པ་དེ་བཞིན་དུ་བྱས་སོ༎ ༎