ཡང་ཟླ་བ་བདུན་པ་དེའི་ཚེས་གཅིག་ལ་ཁྱོད་རྣམས་ལ་ཚོགས་འདུས་དམ་པ་ཞིག་ཡོད་པར་བྱ། བྲན་གྱི་ལས་ཅིའང་མ་བྱེད། དེ་ནི་ཁྱོད་ཚོ་ལ་དུང་འབུད་པའི་ཞག་ཅིག་ཡིན། ༢ ཡང་ཡ་ཧོ་ཝཱ་ལ་དྲི་ཞིམ་གྱི་དོན་དུ་སྦྱིན་སྲེག་ཅིག་འབུལ་བར་དགོས། གླང་གཅིག ལུག་ཐུག་གཅིག ལོ་གཅིག་པའི་ལུག་གུ་ཕོ་སྐྱོན་མེད་པ་བདུན་དང་། ༣ དེའི་ཞལ་ཟས་ཀྱི་མཆོད་པ་རྒྱ་ཞིབ་མར་ཁུ་དང་འདྲེས་པ་བཅུ་ཆ་གསུམ་གླང་གི་ཕྱིར་དང་། ལུག་ཐུག་གི་ཕྱིར་བཅུ་ཆ་གཉིས་དང་། ༤ ལུག་གུ་བདུན་ལས་ལུག་གུ་རེའི་ཕྱིར་བཅུ་ཆ་གཅིག་དང་། ༥ ཁྱེད་ཀྱི་དོན་དུ་སྡིག་བཤགས་བྱེད་པའི་ཕྱིར་ར་ཕོ་གཅིག་གོ། ༦ དེ་མ་ཟད་པར་ཟླ་གསར་གྱི་དུས་ཀྱི་སྦྱིན་སྲེག་དང་དེའི་ཞལ་ཟས་ཀྱི་མཆོད་པ་དང་། རྒྱུན་གྱི་སྦྱིན་སྲེག་དང་དེའི་ཞལ་ཟས་ཀྱི་མཆོད་པ་དང་། དེའི་སྐྱེམས་ཀྱི་མཆོད་པ་རྣམས་ཁྲིམས་བཞིན་དུ་དྲི་ཞིམ་གྱི་དོན་དུ་ཡ་ཧོ་ཝཱ་ལ་མེ་དང་མཆོད་པར་འབུལ་བར་བྱའོ༎