བྱ་བ་དེའི་རྗེས་སུ་མི་སེར་ཡུལ་གྱི་རྒྱལ་པོའི་གཉེར་པ་དང་གསོལ་དཔོན་གཉིས་ཀྱིས་རྗེ་བོ་མི་སེར་ཡུལ་གྱི་རྒྱལ་པོ་ལ་ཉེས་པ་བྱས་སོ། ༢ ཕར་ཨོ་གཉེར་པ་ཆེན་པོ་དང་གསོལ་དཔོན་ཆེན་པོ་གཉིས་ལ་ཁྲོས་ཏེ། ༣ སྐུ་སྲུང་བའི་འགོ་པའི་ཁང་པར་ཡོ་སེབ་བཀར་ཡོད་པའི་བཙོན་ཁང་དུ་བཅུག་པ་དང་། ༤ སྐུ་སྲུང་བའི་འགོ་པས་དེ་དག་ཡོ་སེབ་ལ་བཏད་ནས། དེས་དེ་དག་ལ་ཞབས་ཏོག་བྱས་སོ། དེ་དག་དུས་ཧ་ལམ་ཞིག་བཙོན་ཁང་དུ་ལུས་ནས། ༥ དེ་གཉིས་ཀྱིས་རྨི་ལམ་མཐོང་སྟེ། མཚན་མོ་གཅིག་རང་ལ་རེ་རེས་རྨི་ལམ་མཐོང་། བཙོན་ཁང་ལ་འདུག་པའི་མི་སེར་ཡུལ་གྱི་རྒྱལ་པོའི་གཉེར་པ་དང་གསོལ་དཔོན་གཉིས་ཀྱིས་རེ་རེས་རང་གི་དོན་དུ་རྨི་ལམ་མཐོང་ངོ་། ༦ སྔ་དྲོ་ཡོ་སེབ་དེ་དག་གི་རྩར་སོང་སྟེ་བལྟས་པས། ཁོ་རྣམས་ཚེར་བ་མཐོང་ངོ་། ༧ ཁོ་རང་དང་མཉམ་དུ་ཁྱིམ་བདག་གི་ཁང་པ་རུ་བཙོན་དུ་བཅུག་པའི་ཕར་ཨོ་ཡི་ཁབ་ཀྱི་མི་རྣམས་ལ་དྲིས་པ། ཁྱོད་ཅག་དེ་རིང་སེམས་སྐྱོ་མོ་མཐོང་བ་དེ་ཅི་ཡིན་ཟེར་ཏོ། ༨ དེ་དག་གིས། ང་གཉིས་ཀྱི་རྨི་ལམ་རྨིས་ནས་དོན་འགྲེལ་མཁན་ཞིག་མེད་དོ། ཡོ་སེབ་ཀྱིས་དེ་རྣམས་ལ། དཀོན་མཆོག་གཅིག་པུས་དོན་འགྲེལ་བར་མི་མཛད་དམ། ད་ང་ལ་ཤོད་ཅིག་ཅེས་སྨྲས་ནས།