ཡང་ཕོ་ཉ་དེ་གཉིས་ནུབ་མོ་སོ་དོམ་དུ་བསླེབས་ཏེ། ལོད་་སོ་དོམ་གྱི་རྒྱ་སྒོ་ལ་བསྡད་ཡོད་པ་དང་། མཐོང་སྟེ་གདན་བསུ་བའི་ཕྱིར་དེ་དག་གི་མདུན་དུ་ལངས་ནས་མགོ་ཞུམ་པ་དང་། ༢ ད་གཟིགས་ཤིག་ཇོ་བོ་རྣམས་བྲན་གྱི་ཁང་པའི་ནང་དུ་ཕེབས་ནས་ཞག་སྡོད་མཛད་དེ་ཞབས་འཁྲུད་པར་མཛོད། དེ་ནས་ཐོ་རངས་ལ་བཞེངས་ཏེ་ཁྱེད་རང་གི་ལམ་ལ་ཕེབས་ཤིག་ཅེས་ཞུས་སོ། དེ་དག་གིས་གསུངས་པ། མི་འོང་། སྲང་ལ་བསྡད་དོ། ༣ ཁོས་ཤིན་ཏུ་ནན་གྱིས་ཞུས་པའི་ཕྱིར་དེ་དག་ཁོ་དང་མཉམ་པོ་ཕེབས་ཏེ་ཁང་པའི་ནང་དུ་ཞུགས་སོ། ཁོས་དེ་དག་ལ་ཁ་ཟས་བཤམས་ཤིང་། སྐྱུར་རྩི་མེད་པའི་བག་ལེབ་བཙོས་ནས་ཁོང་རྣམས་གསོལ་ལོ། ༤ དེ་དག་ད་རུང་མ་གཟིམ་པར་སོ་དོམ་གྲོང་ཁྱེར་གྱི་མི་རྒན་བྱིས་མ་ལུས་པ་ཐམས་ཅད་ཁང་པ་དེ་ལ་བསྐོར་ཏེ་བསྡད་དོ། ༥ ཡང་ལོད་ལ་བོས་ཏེ་དེ་ལ། ད་མཚན་ལ་ཁྱོད་རྩར་འོངས་པའི་མི་ག་ན་ཡོད། ང་ཚོ་དེ་དག་དང་སྦྱོར་བ་བྱེད་དུ་ཕྱི་རུ་ཁྲིད་ཤོག་སྨྲས་སོ། ༦ ལོད་ཕྱི་རོལ་གྱི་སྒོ་འགྲམ་དུ་དེ་དག་གི་རྩར་སོང་ནས་རང་གི་རྒྱབ་ཏུ་སྒོ་བརྒྱབ་བོ། ༧ ཁོས་དེ་དག་ལ། ངའི་སྤུན་དེ་ལྟར་ངན་པ་ཞིག་མ་བྱེད་ཅིག ༨ ད་ལྟོས་ཤིག ང་ལ་ད་རུང་མི་སུ་དང་མ་འགྲོགས་པའི་བུ་མོ་གཉིས་ཡོད་དེ། ངས་དེ་དག་ཁྱོད་ཅག་གི་རྩར་ཕྱི་རུ་འཁྲིད་དུ་ཆུག་ལ་ཁྱོད་ཚོའི་མིག་གི་མདུན་དུ་དེ་དག་ལ་ཅི་བྱེད་པར་འདོད་པ་བྱོས་ཤིག འོན་ཀྱང་ངའི་ཁང་པའི་ནང་དུ་ཞུགས་པའི་མི་འདི་ལ་ཅི་ཡང་མ་བྱེད་ཅིག་ཅེས་སྨྲས་སོ། ༩ དེ་དག་གིས་དེ་ལ་ཕར་སོང་ཞིག་ཟེར་ཏོ། དེ་དག་གིས་ཁྱོད་འདིར་འཁོད་དུ་ཡོངས་པས། ད་ཁྲིམས་བྱེད་དམ། ད་ང་ཚོས་དེ་དག་ལས་ཁྱོད་ལ་ངན་པར་བྱའོ་སྨྲས་ཏེ། ལོད་ནི་དྲག་ཏུ་མནན་པ་དང་། སྒོ་ཡང་ཆག་ཉེན་བྱུང་ངོ་། ༡༠ འོན་ཀྱང་མི་དེ་དག་རང་གི་ཕྱག་ཕྱི་རུ་བརྐྱངས་ཏེ། ལོད་ཁང་པའི་ནང་དུ་རང་གི་ཕྱོགས་སུ་དྲངས་ནས་སྒོ་བརྒྱབ་བོ། ༡༡ ཁོ་རྣམས་ཀྱིས་ཕྱི་སྒོའི་མདུན་དུ་ཡོད་པའི་མི་རྒན་པོ་ནས་བྱིས་པའི་བར་གྱི་མིག་འཕྲུལ་བར་བྱས་པས། དེ་དག་གིས་སྒོ་ཐོབ་པ་ལ་བརྩོན་པར་བྱས་སོ༎