དེའི་རྗེས་སུ་ཤི་ནེ་ཨར་ཡུལ་གྱི་རྒྱལ་པོ་ཨམ་ར་ཕེལ་དང་། ཨེལ་ལཱ་སར་ཡུལ་གྱི་རྒྱལ་པོ་ཨར་ཡོག་དང་། ཨེ་ལམ་གྱི་རྒྱལ་པོ་ཀེ་དར་ལ་ཨོ་མེར་དང་། གོ་ཡིམ་པའི་རྒྱལ་པོ་ཐིད་ཨལ་དང་བཞི་ཡིས། ༢ སོ་དོམ་གྱི་རྒྱལ་པོ་བེ་རཱ་དང་། གོ་མོ་རཱའི་རྒྱལ་པོ་བིར་ཤཱ་དང་། ཨད་མཱའི་རྒྱལ་པོ་ཤིན་ཨབ་དང་། ཚེ་བོ་ཨིམ་གྱི་རྒྱལ་པོ་ཤེམ་ཨེ་བེར་དང་། བེ་ལཱ་ཡང་ན་ཚོ་ཨར་གྱི་རྒྱལ་པོ་ལྔ་ལ་དམག་དྲངས་སོ། ༣ དེ་ཐམས་ཅད་སིད་དིམ་ལུང་པ་རུ་ཕྱོགས་གཅིག་ཏུ་འདུས་སོ། ལུང་པ་དེ་རང་ཚྭ་མཚོ་ཆེན་པོ་དེ་ཡིན་ནོ། ༤ ལོ་བཅུ་གཉིས་དེ་དག་གིས་ཀེ་དར་ལ་ཨོ་མེར་གྱི་གཡོག་བྱས། ལོ་བཅུ་གསུམ་པ་ལ་ངོ་ལོག་བྱས་སོ། ༥ ལོ་བཅུ་བཞི་པ་ལ་ཀེ་དར་ལ་ཨོ་མེར་དང་། དེ་དང་འགྲོགས་པའི་རྒྱལ་པོ་རྣམས་འོངས་ཏེ། ཨས་ཐེ་རོད་ཀར་ནཱ་ཨིམ་བྱ་བའི་ཡུལ་དུ་རེ་ཕ་ཨིམ་པ་རྣམས་དང་། ཧམ་ཡུལ་དུ་ཟུ་ཟིམ་པ་རྣམས་དང་། ཁིར་ཡད་ཨ་ཨིམ་ཡུལ་དུ་ཨེ་མིམ་པ་རྣམས་དང་། ༦ འབྲོག་སྟོང་གི་འགྲམ་ལ་ཡོད་པའི་ཨེལ་ཕ་རན་ཡུལ་གྱི་བར་དུ་དེད་དེ་སེ་ཨིར་རི་རྒྱུད་ལ་གནས་པའི་ཧོར་པ་རྣམས་ལས་རྒྱལ་ལོ། ༧ དེ་ནས་ལོག་ཅིང་ཁ་དཱེས་ལ་ཡོད་པའི་ཨེན་མིས་ཕད་དུ་ཕྱིན་ཏེ། ཨ་མ་ལེག་པའི་ཡུལ་ཐམས་ཅད་དང་། ཧ་ཚ་ཚོན་ཐ་མར་དུ་གནས་པའི་ཨ་མོར་པ་ལས་ཀྱང་རྒྱལ་ལོ། ༨ དེའི་ཚེ་སོ་དོམ་དང་། གོ་མོ་རཱ་དང་། ཨད་མཱ་དང་། ཚེ་བོ་ཨིམ་དང་། བེ་ལཱ་ཡང་ན་ཚོ་ཨར་གྱི་རྒྱལ་པོ་ལྔས། སིད་དིམ་ལུང་པ་ལ་ཡོད་པ་རྣམས་ལ་འཐབ་པའི་གྲབས་བྱས། ༩ ཟེར་ན་ཨེ་ལམ་གྱི་རྒྱལ་པོ་ཀེ་དར་ལ་ཨོ་མེར་དང་། གོ་ཡིམ་པའི་རྒྱལ་པོ་ཐིད་ཨལ་དང་། ཤི་ནེ་ཨར་གྱི་རྒྱལ་པོ་ཨམ་ར་ཕེལ་དང་། ཨེལ་ལཱ་སར་གྱི་རྒྱལ་པོ་ཨར་ཡོག་བཞི་ལ་དམག་འདྲེན་པའི་གྲོས་བྱས་སོ། ༡༠ སོ་དོམ་དང་གོ་མོ་རཱའི་རྒྱལ་པོ་གཉིས་བྲོས་ཏེ། སིད་དིམ་ལུང་པ་ན་བྲག་ཞུན་གྱི་དོང་ཤིན་ཏུ་མང་པོ་ཡོད་པ་དེའི་ནང་དུ་ལྷུང་། ལུས་པ་རྣམས་རི་ཁྲོད་དུ་ཤོར་རོ། ༡༡ དེ་དག་གིས་སོ་དོམ་དང་གོ་མོ་རཱ་ལ་ཡོད་པའི་ནོར་དང་འཚོ་བའི་རྒྱགས་ཐམས་ཅད་ཁྱེར། ༡༢ སོ་དོམ་ན་གནས་པའི་ཨབ་རམ་གྱི་སྤུན་གྱི་བུ་ལོད་ནོར་དང་བཅས་པ་བཅོམ་སྟེ་ཁྱེར་ནས་སོང་ངོ་༎