མི་ཚོགས་དང་ཉེ་གནས་རྣམས་ལ་ཡེ་ཤུས་འདི་སྐད་དུ། ༢ མཁན་པོ་དང་ཕ་རུ་ཤི་པ་མོ་ཤེའི་བཞུགས་ཁྲིར་སྡོད་པས། ༣ དེ་ཚོས་ཁྱེད་ལ་སློབ་པ་ཐམས་ཅད་བྱེད་ཅིང་སྲུང་ཞིག འོན་ཀྱང་དེ་ཚོའི་ལས་བཞིན་མ་བྱེད་ཅིག དེ་ཚོས་གང་སྨྲ་བ་ལྟར་མི་བྱེད་དོ། ༤ དེ་རྣམས་ཀྱིས་ཁུར་ལྕི་བ་བསྡམས་ནས་གཞན་གྱི་རྒྱབ་ལ་འགེལ་ཡང་། རང་གིས་མཛུབ་མོ་ཙམ་ཞིག་ཀྱང་རེག་པར་མི་དགའོ། ༥ དེ་ཚོས་རང་གི་ལས་ཐམས་ཅད་ནི། མི་ལ་སྟོན་པའི་ཕྱིར་བྱེད་དོ། རང་གི་སྲུང་བ་ཞེང་ཆེ་བ་དང་། གོས་ཀྱི་ཆ་ག་ཆེན་པོ་བྱེད་དོ། ༦ མགྲོན་ནང་གྲལ་མགོ་དང་ཆོས་ཁང་དུ་ཁྲི་སྟན་མཐོ་བ་དང་། ༧ ཁྲོམ་ལ་ཕྱག་དང་། མི་རྣམས་ཀྱིས་སྟོན་པ་ཟེར་བ་ལ་དེ་ཚོ་དགའོ། ༨ ཁྱེད་ཚོའི་སྟོན་པ་གཅིག་ལགས་པས། ཁྱེད་ཐམས་ཅད་སྤུན་ཡིན། ཁྱེད་ཚོར་སྟོན་པ་ཟེར་བར་མ་འཇུག ༩ ནམ་མཁར་བཞུགས་པ་དེ་ཁྱེད་ཚོའི་ཡབ་གཅིག་ལགས་པས། འཇིག་རྟེན་དུ་སུ་ལའང་ཡབ་མ་ཟེར། ༡༠ མཱ་ཤི་ཀ་ཁྱེད་ཚོའི་དཔོན་པོ་གཅིག་ལགས་པས། ཁྱེད་ཚོར་དཔོན་པོ་ཟེར་བར་མ་འཇུག ༡༡ ཁྱེད་ཚོའི་དབུས་སུ་ཆེ་ཤོས་དེ་ཁྱེད་ཀྱི་ཞབས་ཕྱིར་འགྱུར་དགོས། ༡༢ རང་མཐོ་བར་བྱེད་པ་དེ་དམའ་བར་འགྱུར་འོང་། དམའ་བར་བྱེད་པ་དེ་མཐོ་བར་འགྱུར་འོང་།