ཨིས་ར་ཨེལ་གྱི་རྒྱལ་པོ་ཡེ་རོབ་ཨམ་གྱིས་རྒྱལ་སྲིད་བྱེད་པའི་ལོ་ཉེར་བདུན་པ་ལ། ཡ་ཧུ་དཱའི་རྒྱལ་པོ་ཨ་མ་ཙི་ཡཱ་ཡི་སྲས་ཨ་ཟར་ཡཱས་རྒྱལ་སྲིད་བཟུང་སྟེ། ༢ རྒྱལ་སར་སྐོ་དུས་སུ་ལོ་བཅུ་དྲུག་ལོན་པ་དང་། དེས་ཡེ་རུ་ཤ་ལེམ་དུ་ལོ་ལྔ་བཅུ་ང་གཉིས་རྒྱལ་སྲིད་བྱས་སོ། དེའི་ཡུམ་ནི་ཡེ་རུ་ཤ་ལེམ་མ་ཡེ་ཁོལ་ཡཱ་བྱའོ། ༣ དེས་རང་གི་ཡབ་ཨ་མ་ཙི་ཡཱས་སྤྱད་པ་ལྟར། ཡ་ཧོ་ཝཱའི་གཟིགས་ངོར་རིགས་པ་དེ་བྱས་སོ། ༤ འོན་ཀྱང་མཐོ་གླིང་རྣམས་མ་བཤིག་པར་ཡོད་པས། དུས་དེ་ཙམ་ན་ཡང་མི་རྣམས་ཀྱིས་མཐོ་གླིང་གི་ནང་དུ་མཆོད་པ་ཕུལ་ཏེ། བསངས་བཏང་བ་ཡིན། ༥ དེའི་ཕྱིར་དུ་ཡ་ཧོ་ཝཱས་རྒྱལ་པོ་ལ་བརྡུངས་པས། དེ་མ་འཆི་བའི་བར་དུ་མཛེ་ནད་ཀྱིས་བཏབ་ནས་ལུས་ཏེ། ཟུར་དུ་ཁང་པ་ཞིག་གི་ནང་ན་གནས་པ་ཡིན། ཡང་རྒྱལ་པོའི་སྲས་ཡོ་ཐམ་ནི་མཁར་བདག་ཡིན་པས། མི་སྡེའི་ཞལ་ཆེ་བཅད་དོ། ༦ ཡང་ཨ་ཟར་ཡཱའི་གཞན་བྱ་བ་རྣམས་དང་། དེས་ཅི་དང་ཅི་བྱས་པ་ཐམས་ཅད་ནི། ཡ་ཧུ་དཱའི་རྒྱལ་པོ་རྣམས་ཀྱི་རྒྱལ་རབས་ཀྱི་མདོ་རུ་བྲིས་མེད་དམ། ༧ དེ་ནས་ཨ་ཟར་ཡཱ་རང་གི་ཕ་མེས་དང་མཉམ་དུ་གཉིད་དུ་སོང་ནས། དཱ་བིད་ཀྱི་གྲོང་ཁྱེར་དུ་དེའི་ཕ་མེས་ཀྱི་ཁྲོད་དུ་བསྐུངས་པ་དང་། དེའི་སྲས་ཡོ་ཐམ་ནི་དེའི་མལ་དུ་རྒྱལ་པོར་གྱུར་ཏོ༎